Япония полицияси бошлиғи Итару Накамура собиқ бош вазир Синдзо Абэнинг ўлдирилиши муносабати билан ўз лавозимини тарк этади. Бу ҳақда у матбуот анжумани чоғида маълум қилди, деб хабар бермоқда Kyodo агентлиги.
Брифингда собиқ бош вазирнинг хавфсизлигини таъминлаш борасидаги қонунбузарликлар юзасидан ўтказилган текширув натижалари эълон қилинган. Тадбир давомида Накамура қотиллик учун жавобгар бўлгани сабабли ўз лавозимини тарк этишини айтган.
Аввал полиция бошлиғи Абенинг сафари давомида хавфсизлик билан боғлиқ муаммолар бўлгани, жумладан, бу қўриқчиларни жойлаштириш билан боғлиқлигини тан олганди. Накамура бундай ҳодисалар такрорланишига йўл қўймаслик учун муаммоларни ўрганишга ваъда берди.
Абенинг ҳаётига қасд қилинган Нара префектураси полицияси раҳбари Томоаки Онизука соқчиларга хавфсизлик режасини тайёрлаш учун атиги бир кун берилганини айтган эди. Шу билан бирга, ташриф арафасида Абенинг сафари йўналиши ўзгартирилган.
Эслатиб ўтамиз, Синдзо Абэ 8 июль куни ўлдирилган. Қотил у Нара шаҳрида Либерал-демократик партияни қўллаб-қувватлаб нутқ сўзлаётган пайтда уни орқадан нишонга олган. Шифокорлар сўзларига кўра, сиёсатчи бўйнининг ўнг қисмидан, шунингдек, юрагидан яраланган. Бир неча соатдан кейин у касалхонада вафот этган.
Изоҳ (0)