Творог болалар ва парҳез менюсига киритилиши керак бўлган маҳсулот. Творог таркибида протеин, витамин, аминокислота ва минераллар мавжуд. Творогда қанча кальций бор? Ёғи кам маҳсулотнинг фойдаси борми? Бу ҳақда диетолог маълумот беради.
Творогнинг таркиби ва фойдалари
Сутда инсон учун зарур бўлган деярли барча фойдали моддалар мавжуд. Творог концентрланган шаклдаги сутдир, шунинг учун ундаги озуқа моддаларининг концентрацияси кўпроқ бўлади.
Творог таркибида:
- B2, B6, B12, D, E, P витаминлари;
- фолий ва аскорбин кислоталари;
- ретинол;
- темир, фосфор бор.
Творог таркибидаги аминокислота ва витаминлар жигар касалликлари, атеросклерознинг олдини олади, асаб тизимини мустаҳкамлайди.
Ёғли ва ёғсиз творог ўртасидаги фарқ нимада?
Озиш учун ёғ миқдори кам сут маҳсулотларини сотиб олиш одатий ҳолдир. Аммо ёғи кам сут маҳсулотларининг фойдаси борми?
Ёғсизланган сут маҳсулотлари ҳар доим ҳам организмга фойда келтирмайди. Творогнинг ёғли турларини ишлаб чиқаришда иссиқлик билан ишлов бериш ишлатилмайди, бу нафақат оқсилни, балки барча фойдали моддаларни ҳам сақлаб қолиш имконини беради.
Ёғсиз творог учун лактик фермент ишлатилади, у иситилган сутга киритилади. Иссиқлик билан ишлов бериш натижасида ёғда эрийдиган витаминлар ва леситин миқдори камаяди, кальцийнинг биологик фаоллиги пасаяди.
Кам ёғли сут маҳсулотлари осон ҳазм бўладиган протеиннинг қимматли манбаидир, аммо улар кальций етишмовчилигини қоплай олмайди. Ёғсиз творогга ишлаб чиқарувчилар кўпинча таъмини яхшилаш учун синтетик қўшимчалар қўшади.
Ёғли ва кам ёғли творог ўртасидаги асосий фарқ калорияда.
Ёғлилигига қараб 100 г творогдаги калория миқдори:
- ёғли, ёғ миқдори 18% — 230 ккал;
- яримёғли, ёғ миқдори 5-9% — 160 ккал;
- кам ёғли, ёғ миқдори 2% дан ошмайди — 85 ккал.
Кальций организмга ёғсиз тўлиқ сўрилмайди. Ҳар 10 мг кальций учун 1 г ёғ бўлиши керак. Кальцийни сингдириш бўйича идеал творог 9% ни ташкил қилади, буни диэтологлар ҳам тасдиқлайди.
Изоҳ (0)