Қалқонсимон без организмнинг жуда муҳим ва айни пайтда ўта нозик органидир. Унинг ишини баъзан ҳар қандай кичик нарса, жумладан, тўйиб овқатланмаслик ҳам бузиши мумкин. Қалқонсимон без билан боғлиқ муаммолар мавжуд бўлса, улардан воз кечиш керак, аммо у яхши бўлганда ҳам эҳтиёткор бўлиш талаб этилади. «Новий очаг» нашри қалқонсимон без фаолиятига салбий таъсир ўтказувчи маҳсулотлар номини маълум қилди.
Денгиз ўтлари
Денгиз ўтлари жуда кўп миқдорда ёдни ўз ичига олади. Эндокринологлар қалқонсимон без касалликларида истеъмол қилмаслик керак бўлган рўйхатга денгиз ўтлари ва ёдга бой бошқа маҳсулотларни киритади. Гарчи қалқонсимон без билан боғлиқ муаммолар бўлмаса ҳам эҳтиёт бўлиш керак: ёдга бой маҳсулотларни ҳаддан ташқари кўп истеъмол қилиш ушбу модданинг табиий мувозанатини бузиши мумкин.
Оддий карам
Оқ карам, брокколи, гулкарам фойдали ва мазали сабзавотдир. Афсуски, ундаги мавжуд ёд табиий мувозанатини бузиши ва қалқонсимон безнинг ушбу муҳим моддани ўзлаштириш қобилиятига таъсир қилиши мумкин. Шунинг учун карам истеъмол қилишда ҳам меъёрни унутмаслик лозим.
Соя
Қалқонсимон без гормонларини қабул қилиш керак бўлган одамлар уни ўз ичига олган соя маҳсулотларидан воз кечиши керак: тадқиқотлар шуни кўрсатадики, овқатдан кейин бир соат ичида гормонларнинг сўрилиши деярли тўхтайди. Шундай қилиб, қалқонсимон без касалликларида соя маҳсулотлари, шу жумладан сут ва соусларни истеъмол қилиш мумкин эмас.
Глютен
Глютенли маҳсулотлар ҳам қалқонсимон без учун зарарли. Бир қатор тадқиқотлар аллақачон қалқонсимон без ва Ҳашимото каби касаллиги ўртасидаги боғлиқликни тасдиқлади. Худди шу тадқиқотлар глютенсиз рационга ўтган беморларнинг яхшиланганлигини тасдиқлади. Шифокорлар ҳали глютенсиз ўз ичига олган маҳсулотлардан бутунлай воз кечишни тавсия этмайди, аммо уларнинг рациондаги улушини бироз камайтириш ва организмнинг реакциясини кузатиш керак.
Балиқнинг айрим турлари
Tuneц, скумбрия, найза балиқлари — бу балиқ турларининг барчаси қалқонсимон без учун зарарли. Гап шундаки, бу балиқ таркибида симобнинг юқори миқдори мавжуд бўлиб, у кимёвий таркиб бўйича ёдга ўхшайди ва шунинг учун қалқонсимон без томонидан фаол сўрилади. Қолаверса узоқ вақт давомида организмда тўпланиши мумкин. Юқори даражадаги симоб нафақат қалқонсимон без гормонларини етарли даражада ишлаб чиқаришни қийинлаштиради, балки Ҳашимото каби касаллик ривожланиш хавфини оширади.
Шакар
Агар қалқонсимон без касаллиги мавжуд бўлса, шакарли овқатлар истеъмол қилмаслик керак. Қоида тариқасида, қалқонсимон без касалликлари қандли диабет хавфини оширадиган қўшимча омил ҳисобланади.
Изоҳ (0)