АҚШ чоршанба, 24 август куни якунланган ҳафтада кунига 11 млн баррелдан ортиқ нефть ва қайта ишланган маҳсулотлар экспорт қилди. Бу ҳақда АҚШ Энергетика вазирлиги маълумотларига таяниб Bloomberg хабар бермоқда.
Ўтган ҳафтадаги кўрсаткич ҳафталик нефть экспортини аниқлаш бошланган 1991 йилнинг февралидан бери рекорд даражада бўлди. АҚШ 2023 йилда энергия инқирозини юмшатиш учун тарихий рекорд даражада хом нефть етказиб бермоқчи.
Хорижий дизель ёнилғиси етказиб бериш 20 фоизга ошди ва нефть экспорти 2015 йилдан бери биринчи марта кетма-кет иккинчи ҳафтада кунига 4 миллион баррелдан юқорилади.
Қўшма Штатлар Россия нефти ва гази сотувининг қисқариши натижасида юзага келган энергия инқирози фонида ёнилғи етказиб беришни кучайтирмоқда. Европа АҚШнинг энергия экспорти учун асосий йўналиш ҳисобланади.
Аввалроқ АҚШ Германияга биринчи марта олтингугуртли нефть етказиб бергани ҳақида хабар берилган эди.
Изоҳ (0)