Алишер Усмоновнинг «Металлоинвест» компанияси «Сафиса» VIP банкет залини тадбиркорлар Вачаган Петросов ва Азик Илишаевларга сотди. Бу ҳақда Forbes хабар бермоқда.
«Сафиса» VIP банкет зали бир неча бор ўз эгасини ўзгартирган. Усмонов компанияси банкет залини бундан етти ой аввал 2022 йил январида «Ви Холдинг» президенти Виталий Машчицкийдан сотиб олган эди. Машчицкий эса 2022 йилнинг ёзида «Сафиса»нинг эгасига айланган.
2005 йилда Черкизовский бозорининг собиқ эгаси Тельман Исмоилов томонидан қурилган Москвадаги энг машҳур банкет залларидан бири 3 мингдан ортиқ тадбирга мезбонлик қилган, унда 100 дан ортиқ юлдуз санъаткорлар чиқиш қилган.
Биллур қандиллар, мармар поллар ва зарҳал зинапояларга эга икки қаватли қасрда сиёсий байрамлар нишонланган ва миллиардер оилаларнинг тўйлари ўтказилган.
«Сафиса»нинг умумий майдони деярли 4 минг квадрат метрни ташкил қилади. Банкет залини сотиб олган Вачаган Петросов ва Азик Илишаев «ПВС ва ИАМ» компанияси асосчилари ҳисобланади.
Изоҳ (0)