Rossiyaning Moskva shahrida O‘zbekiston fuqarosi besh yoshli qizchani bolalar maydonchasidan o‘g‘irlab ketmoqchi bo‘lgani aytilmoqda. Bu haqda “Gazeta.ru” xabar berdi.
Ma’lum qilinishicha, voqea 19-avgust kuni poytaxtdagi Golyanovo tumanida sodir bo‘lgan. Noma’lum shaxs bolaga yaqinlashib, uning qo‘lidan ushlab, olib ketishga uringan. Biroq qizning onasi voqeadan xabar topib, qizini begona shaxsdan olib qo‘ygan.
“Politsiya chaqirishlarini, bolamni mendan o‘g‘irlab ketishayotganini aytib, baqira boshladim. Bir daqiqadan so‘ng qayerdandir qizning qarindoshlari yetib kelib, meni o‘rab olishdi. Olti-yetti kishi edi ular”, — dedi qizning onasi.
Ayolning so‘zlariga ko‘ra, noma’lum shaxslar qiz ularniki ekanini aytib, ayoldan boladan voz kechishni talab qilgan. Voqea joyiga yetib kelgan politsiyachilar esa mojaroni hal qilishga muvaffaq bo‘lgan.
Izoh (0)