АОКАда бўлиб ўтган брифингда Олий ва ўрта махсус таълим вазирлиги ахборот хизмати раҳбари Мўмин Ибодов 2022/2023-ўқув йилида магистратурага қабул жараёнлари натижалари бўйича маълумот берди.
Қайд этилишича, жорий ўқув йили учун магистратурага қабул квотаси сони 16 933 та, 10031 нафар талабгор ҳужжат топширган. Шундан 5219 та ариза қабул қилинган.
Рўйхатдан ўтган 5219 та талабгорнинг 4582 таси хорижий тил сертификатига эга. 637 нафар талабгор эса танловда иштирок этмайдиган турли имтиёзга эга бўлганлар.
Шундан 296 таси давлат стипендианти, 159 таси кимё, биология ва информатика йўналишлари бўйича имтиёз соҳиби, 12 таси эса, кимё, биология, физика ва информатика фан олимпиадалари ғолиби саналишади. 170 таси эса, кўзи ожизлар тоифасига кирувчи аъло баҳоларга ўқиган битирувчи ҳисобланади.
Таъкидланишича, магистратурага қабул квотаси тўлмаган бўлса-да, янги жорий қилинган тартибга кўра бу йилдан магистратурага қабул бир йилда 2 маротаба амалга оширилади, яъни январь ойида бўш ўринларга яна конкурс ташкил этилади.
Изоҳ (0)