AOKAda bo‘lib o‘tgan brifingda Oliy va o‘rta maxsus ta’lim vazirligi axborot xizmati rahbari Mo‘min Ibodov 2022/2023-o‘quv yilida magistraturaga qabul jarayonlari natijalari bo‘yicha ma’lumot berdi.
Qayd etilishicha, joriy o‘quv yili uchun magistraturaga qabul kvotasi soni 16 933 ta, 10031 nafar talabgor hujjat topshirgan. Shundan 5219 ta ariza qabul qilingan.
Ro‘yxatdan o‘tgan 5219 ta talabgorning 4582 tasi xorijiy til sertifikatiga ega. 637 nafar talabgor esa tanlovda ishtirok etmaydigan turli imtiyozga ega bo‘lganlar.
Shundan 296 tasi davlat stipendianti, 159 tasi kimyo, biologiya va informatika yo‘nalishlari bo‘yicha imtiyoz sohibi, 12 tasi esa, kimyo, biologiya, fizika va informatika fan olimpiadalari g‘olibi sanalishadi. 170 tasi esa, ko‘zi ojizlar toifasiga kiruvchi a’lo baholarga o‘qigan bitiruvchi hisoblanadi.
Ta’kidlanishicha, magistraturaga qabul kvotasi to‘lmagan bo‘lsa-da, yangi joriy qilingan tartibga ko‘ra bu yildan magistraturaga qabul bir yilda 2 marotaba amalga oshiriladi, ya’ni yanvar oyida bo‘sh o‘rinlarga yana konkurs tashkil etiladi.
Izoh (0)