«Маҳалла» жамоат фонди томонидан ўтган 6 ойда эҳтиёжманд аҳоли қатламига 2 миллиард сўмдан зиёд хайрия ёрдами кўрсатилди. Бу ҳақда АОКАда ўтказилган брифингда фонд ахборот хизмати раҳбари Ҳасан Саломов маълум қилди.
Шунингдек, давлат раҳбари ташаббуси билан ташкил этилган «Саховат ва кўмак» жамғармаси ҳисобидан ўтган 6 ой давомида эҳтиёжманд аҳолини моддий қўллаб-қувватлаш, «темир дафтар» ва «аёллар дафтари»га кирган фуқароларимизга 100 миллиард сўмга яқин моддий ёрдам ажратилди.
Ўтган ярим йилда фонд маблағлари ҳисобидан 248 та фуқаролар йиғинига 1 миллиард 238 миллион сўмлик компьютер техникалари олиб берилди. 258 та маҳалла идорасига эса 1 миллиард 547 миллион сўмлик мебель жиҳозлари олиб берилди.
Мустақилликнинг 31 йиллиги олдидан Бухоро, Навоий, Наманган, Фарғона, Хоразм вилоятларидаги фуқаролар йиғинларига мебель ва компьютер жиҳозлари топширилди.
Изоҳ (0)