Қирғизистон президенти Садир Жапаров Алимкадир Бейшеналиевни соғлиқни сақлаш вазири лавозимидан озод этиш тўғрисидаги фармонни имзолади, деб ёзади Asia Plus.
Шундан кейин деярли дарҳол Бейшеналиевнинг Иссиқкўл вилояти Чўлпонота шаҳридаги «Алтин балалик» реабилитация марказига директор этиб тайинлангани ҳақида хабарлар пайдо бўлди. Ушбу марказ Алимкадир Бейшанилевнинг ўғли томонидан қуриб битказилган ва 1 июнь куни реконструкциядан экйин очилган эди.
«Ҳаммаси жойида, асосийси — қамаб қўйишмади. Агар президент шундай қарор қилган бўлса, бўйсунаман, ишлайман», — деди Бейшеналиев бошқа изоҳлардан бош тортиб.
Кейинроқ собиқ соғлиқни сақлаш вазири оилавий шароит туфайли Туркияга номаълум муддатга учиб кетишга қарор қилгани маълум бўлди.
Бейшеналиев 2020 йил октябрида — коронавирус пандемияси авжига чиққан пайтда Соғлиқни сақлаш вазирлигига раҳбар бўлганди.
У коронавирус билан касалланганларни ўта заҳарли ўт — Иссиқкўл илдизи ёки жунғор айиқтовони деб аталувчи ўсимлик билан даволашни таклиф қилган эди. Вазир дорини иссиқ ҳолда ичиш кераклигини таъкидлади. «Совуқ ҳолда ичган одам беш дақиқада ўлади», — деди у.
Жорий йил июнида Бейшеналиевга нисбатан етти жиноят иши қўзғатилди, шуларнинг биттаси порахўрлик, иккитаси — тамагирлик, тўрттаси — хизмат ваколатларини суиистеъмол қилиш ва фойда келтирмайдиган шартнома тузиш ҳақидаги моддалар бўйича. Бош прокуратура ушбу жиноят иши доирасида соғлиқни сақлаш вазирлигининг яна уч нафар мансабдори ҳибсга олинганини маълум қилган.
Бейшеналиев лавозимидан четлетилган, тергов изоляторига жойлаштирилган, аммо икки ҳафтадан кейин уй қамоғига ўтказилган.
Август ўрталарида соғлиқни сақлаш вазирига нисбатан жиноят иши унинг ҳаракатларида жиноят таркиби йўқлиги сабабли тўхтатилди.
Бейшеналиев «президент қарор қилиши билан» ишга чиқишга тайёрлигини айтди.
Июндан буён Қирғизистон соғлиқни сақлаш вазири вазифасини Жаркинбек Касимбеков бажармоқда, у лавозимга тайинланганидан кейин клиник далилларсиз аконитдан фойдаланиб даволаш хавфли эканини маълум қилди. «Бу бола кимга келиб урилганини тушунмади», — деди Бейшаналиев.
Мавзуга доир:
Изоҳ (0)