«Саҳар» гуруҳи асосчиси Анвар Жўраевнинг онаси Дилбар Набиева «Севимли» телеканалининг «Машҳурлар» кўрсатувига берган интервьюсида ўғлининг прокурор бўлишини хоҳлагани, «Ёмғир» таронасини ёздириш учун турмуш ўртоғидан яшириб, 500 доллар бергани, унинг рок йўналишда қўшиқ куйлашига муносабати, гуруҳнинг Қозоғистонга бориб ижод қилган пайтларидаги қийинчиликлари ҳақида гапирди.
Анвар Жўраевнинг онаси ўғлининг прокурор бўлишини хоҳлагани, «Ёмғир» таронасини ёздириш учун турмуш ўртоғидан яшириб, 500 доллар бергани ҳақида
Ўғлимга сен артист бўлолмайсан, бизнинг авлодимизда санъаткорлар йўқ деб айтганман. Кўплаб оналар қатори унинг прокурор бўлишини истаганман. Кейин ўғлим: мен Тошкент шаҳри прокурори бўлсам ҳам столни суриб, гитарамни олиб ашуламни айтаман, деди.Ўшанда биз Тошкентга кўчиб келган эдик, мен Чиннибозорда ишлар эдим, Анвар эса нарсаларга қоровуллик қиларди. Кейин у дадамга айтмасдан менга 500 доллар беринг, битта ашула ёздирай деб сўраган, шунда бориб биринчи таронаси «Ёмғир»ни ёздирган.
Ўшанда ашулани битта кичкина кассетага ёздириб олиб келган, бозордагилар ҳаммамиз ўтириб шуни тингладик. Қўшиқни тинглаб, ҳамма қувонди. Кейин мен ҳам қизиқиб қолдим, сабаби радиоларда, таксига ўтирсак ҳам шуни эшитиб қолар эдик. Шу билан иккинчи, учинчи, умуман олганда 13 та ашуласига мен ҳомийлик қилиб ёздирганман.Хонанданинг онаси унинг рок йўналишда қўшиқ куйлашига қандай муносабат билдиради?
Ростини айтсам ҳақиқатан бу йўналишда қўшиқ куйлашини қўлламадим. Унга қанақа қўшиқ айтяпсан, сени тўйларга чиқиб, даврани қиздирадиган ашула айтасан деб ўйлардим, дедим. Аввалига тушунмадим, бу йўналишнинг ҳам ўзининг мухлислари бор экан, ўзини аудиторияси бўлар экан. Кейин-кейин тушуниб етдим, — дейди Дилбар Набиева.
Анвар Жўраевнинг онаси «Саҳар» гуруҳининг Қозоғистондаги қийинчиликлари ҳақида
Ҳақиқатан ҳам унинг рок йўналишини бу ерда унча тушунишмади. Кейин у гуруҳи билан Олмаотага бориб, битта уйни ижарага олиб, симкаравотларда ётиб кун кечирган, ўша пайтлари ҳам орқасидан бориб назорат қилганман. Ёмон йўлларга кириб кетмасин, деб Олмаота шаҳрига борганман ва эрталабдан битта кефир билан битта ширинликни еб ўтирганининг гувоҳи бўлганман.Ўша пайтлари ўзим ҳам маҳсулот олиб кетардим ва боламни ҳам кўриб келар эдим. Роса қийналган, тўртта бола дарахтларга эълон ёпиштириб кимга мусиқачи керак, туғилган кун, тадбирларни ўтказамиз деб юрган. Кейин Қозоғистонда уни яхши тушунишди ва қабул қилишди. Қозоғистонда унга яхши ҳақ тўлашган, шунда Анвар менга ҳам ёрдам берган, — дейди хонанданинг онаси.
Мавзуга доир:
Изоҳ (0)