«Африка шохида» (Эфиопия, Кения ва Сомали) 22 миллионга яқин одам давом этаётган қурғоқчилик туфайли очлик ёқасида турибди. Бу ҳақда БМТ Жаҳон озиқ-овқат дастурида маълум қилинган.
Йил бошидан бери Эфиопия, Кения, Сомалида яна 9 миллион киши озиқ-овқат танқислигидан азият чекди. 22 миллион киши эса ўзини етарли озиқ-овқат билан таъминлаш муаммосига дуч келмоқда, — дейилади баёнотда.
Маълумотларга кўра, минтақа мамлакатларида чорва моллари нобуд бўлмоқда, аҳоли ўткир сув танқислигини бошдан кечирмоқда, 1,1 миллиондан ортиқ одам ўз уйини ташлаб кетишга мажбур бўлган.
Ташкилотнинг таъкидлашича, минтақада қурғоқчилик ҳали тугамагани учун келгуси олти ойда маҳаллий аҳолининг ўсиб бораётган эҳтиёжларини қондириш учун яна 418 миллион долларга яқин маблағ керак.
Ҳозирда дунёда 345 миллион киши озиқ-овқат етишмовчилигига дуч келмоқда ва 800 миллиондан ортиқ киши ҳар кеча оч ухлаб ётади.
Ташкилотга кўра, очликнинг асосий сабаблари: ҳарбий можаролар, иқлим шоклари, COVID-19 пандемиясининг оқибатларидир.
Аввалроқ нега Шарқий Африка даҳшатли очарчиликка дуч келаётгани ҳақида хабар берилганди.
Изоҳ (0)