Европада газ нархи 2 700 доллардан ошиб кетди

Европада газнинг спот нархи минг куб метр учун 2 700 доллардан ошди. Бу ҳақда «Интерфакс» хабар бермоқда.

Нархларнинг бундай юқорилашига «Шимолий оқим» газ қувурларида таъмирлаш ишлари олиб борилиши муносабати билан газ етказиб бериш уч кунга тўхтатилиши сабаб бўлди.

Жума куни кечқурун ICE Futures биржасида энг яқин (сентябрь) ТТФ фьючерслари нархи минг куб метр учун 2 712 долларга етди.

Жорий шартнома бўйича мунтазам техник хизмат кўрсатиш тўплами Siemens мутахассислари билан биргаликда амалга оширилади, — дейилади Газпром баёнотида.

Хабарда таъкидланганидек, Siemens ҳар 1000 соатда турбинага техник хизмат кўрсатиши керак.

Режалаштирилган профилактика ишлари 31 августдан 2 сентябргача амалга оширилади.

Аввалроқ Европага газ етказиб бериш тарихий энг паст даражага етиши мумкинлиги ҳақида хабар берилганди.