Россия иқтисодиёти мисли кўрилмаган ташқи босим шароитида ўзини Ғарб таҳлилчилари башорат қилганидан ҳам барқарорроқ эканлигини кўрсатди. Бу ҳақда Financial Times’га таяниб «ТАСС» хабар бермоқда.
Хусусан, нашр эътиборни Украина ва Россия ўртасидаги уруш бошланганидан сўнг «капитал ҳаракатини назорат қилиш чораларини киритган ва асосий ставкани кескин оширган» Россия Марказий банкининг ҳаракатларига қаратган.
Бундан ташқари, энергия ресурслари нархининг ошиши ва ёнилғининг Хитой, Ҳиндистон ва Туркияга етказиб бериш ҳажмининг кўпайиши Европа давлатларининг Россиядан газ ва нефтдан воз кечиш уринишларини барбод қилди.
ФТ, шунингдек, бир қатор Ғарб компаниялари Россияда фаолиятини давом эттираётганини ва Россия бозорини тарк этишга қарор қилганлар ўз активларини маҳаллий ишбилармонларга сотишганини, шу сабабли корхоналарнинг ўзи ҳамон фаолият юритаётганини қўшимча қилди.
Шу билан бирга, нашр узоқ муддатда Россия иқтисодиёти Хитой ёки Москванинг бошқа ҳамкорлари таклиф қила олмайдиган Ғарб технологияларидан фойдаланиш имконияти йўқлиги сабабли жиддий қийинчиликларга дуч келиши мумкинлигини тахмин қилган.
Танқидчилар фикрига кўра, санкциялар Россиядан кўра Европага кўпроқ зарар етказмоқда.
Изоҳ (0)