Тирноқлар рангини йўқотдими, жуда тез синадими? Демак, ушбу муаммоларни баратраф этиш учун қатъий чоралар кўриш вақти келди. «Новий очаг» нашри тирноқлар кўриниши ҳамда мустаҳкамлиги учун фойдали бўлган маслаҳатлар билан бўлишди.
Биотин қабул қилинг
Биотин Ҳ ва B7 витамин деб ҳам аталади B гуруҳи витаминларидан биридир. Бу сувда эрийдиган модда инсон организмида қолмайди, шунинг учун уни ҳар куни тўлдириш керак. Соч ва тирноқларни мустаҳкамлаш, шунингдек, асаб тизимининг тўғри ишлаши учун жавобгар нарса биотиндир. Биотин балиқ, тухум ва ясмиқ каби озиқ-овқатларда юқори миқдорда мавжуд. Шунингдек, Ҳ витаминининг кунлик истеъмолини мутахассис билан маслаҳатлашгандан сўнг парҳез қўшимчалари ёрдамида тўлдириш мумкин.
Камроқ сувга солинг
Сув билан тез-тез алоқа қилиш туфайли тирноқлар заиф ва мўртлашади. Уй ишларини бажараётганда резина қўлқоплардан фойдаланиб, уни минимал даражага туширишга ҳаракат қилиш керак. Душ қабул қилаётган вақтда ҳам қўлларни сув устида ушлаб туриш лозим.
Таркиб билан танишинг
Ҳар доим декоратив лаклар ва тирноқларни парвариш қилиш воситаларининг таркибини тўлиқ ўқиш керак. Агрессив кимёвий моддалар тирноқ пластинкасига тузатиб бўлмайдиган зарар етказиши мумкин. Асетонни ўз ичига олган суюқликлардан фойдаланмаслик лозим.
Тирноқлар дам олсин
Декоратив қопламалар, айниқса, шеллакдан камроқ фойдаланиш лозим. Қалин лак қатлами остида тирноқлар заифлашади ва ингичкалашади. Танаффус қилиш, ниқоблар ва ванналар шаклида интенсив озиқланишни таъминлаш, безакларни олиб ташлагандан кейин тирноқлар камида бир ҳафта дам олиши лозим.
Тирноқларни мойлар билан озиқлантиринг
Табиий ёғлар, хусусан, кокос, чой дарахти, канакунжут ва зайтун йўги тирноқ пластинкасини мустаҳкамлайди ва унинг атрофидаги терини намлайди. Бармоқларни илиқ мойли ҳаммомда 10 дақиқа давомида намлаш, сўнгра маҳсулотнинг қолган қисмини тирноқ устига суртиш лозим. Жараённинг таъсирини кучайтириш учун уни кечаси қўллаб, пахта матоли қўлқоп кийиб ухлаш мумкин.
Намлантиришни унутманг
Кун давомида қўл тирноқлари ва териси кўплаб стрессларга дучор бўлади. Қоғоз ва компьютер билан ишлаш, сув ва кимёвий моддалар билан алоқа қилиш тирноқларнинг қуришига ва мўртлашишига олиб келади. Нохуш оқибатларга йўл қўймаслик учун ҳар куни интенсив намлантирувчи маҳсулотларни тирноқ атрофидаги терига суртиш тавсия этилади.
Кўпроқ витаминлар қабул қилинг
C витамини тирноқлар учун жуда фойдали. Бу тирноқ пластинкасини мустаҳкамлашга ва унинг тез ўсишига ёрдам беради. Тирноқларни қўшимча озиқлантириш учун уларни лимон бўлаги билан ишқалаш кифоя — бу мева C витаминининг асосий манбаларидан бири ҳисобланади. Буни беш дақиқа давомида бажариш, сўнгра қўлни илиқ сув билан ювиш лозим.
Турли фойдали маҳсулотлар истеъмол қилинг
Бир қатор элементлар мавжуд бўлиб, уларсиз тирноқларнинг соғлиғини тасаввур қилиб бўлмайди. Гўшт ва оқсил манбалари, янги мева ва сабзавотлар, қовоқ уруғи ва қора шоколад, балиқ ҳамда денгиз маҳсулотларини рационга киритиш лозим.
Изоҳ (0)