Чиройли ва мукаммал соч турмаги ҳеч қачон урфда бўлишдан тўхтамайди. Абадий классикага айланган соч турмакларини малика ва биринчи хонимлар мисолида кўриш мумкин. Marie Claire нашри уларнинг бир нечтаси билан бўлишди.
Малика Диана
Афсонавий Ди хонимнинг соч турмаги ўтган асрда энг машҳурларидан бирига айланди. Ди хоним ўзининг сочини ишониб топширган биринчи сартарошлардан бири ёш мутахассис бўган. Аммо 17 ёшли ёш Далтоннинг маълум қилишича, қиз ўта банд иш куни туфайли унинг доимий мижозига айланмади. Шу сабабли, бошқа сартарош — Кевин Шенли чақирилди.
Сартарош малика сочларининг ранги ва тузилишининг ўзига хос хусусиятларини инобатга олган ҳолда уни қирқиб ташлади. У бир хил қатламли соч турмагини чап томонга ажратди, кейинчалик бу жуда машҳур бўлди. Кевин Диананинг гўзаллиги ва унинг юз хусусиятларининг уйғунлигини самарали таъкидлай олди.
Жаклин Кеннеди
2022 йилда ҳам боб соч турмаги машҳурлик чўққисида. Жаклин Кеннедининг ўзига хос ҳажмли, жингалак соч турмаги унинг ташқи кўринишини янада бойитган. АҚШ биринчи хонимининг севимли соч турмаги муаллифлиги америкалик сартарош Кеннет Беттелга тегишли. У Жаклин билан Нью-Йоркда, Кеннет гўзаллик салонларидан бирида оддий сартарош бўлиб ишлаётганида танишган.
Жаклин салонга ташриф буюрганида, сартарошнинг касал экани маълум бўлди, кейин унга ёш мутахассис хизмати таклиф қилинди. Беттел Жаклиннинг сочларини бироз ўзгартиришни тавсия қилди. Турмакнинг юқори қисмига ҳажм берган ҳолда, пастки қисми жинглаклар билан якунлади.
Мелания Трамп
Узоқ вақт давомида АҚШ собиқ президентининг рафиқаси соч турмагида рангдан ташқари ҳеч нарса ўзгармади. Мелания Японияда суратга олиш майдончасида танишган стилисти Мордехай Элвау билан у 10 йилдан ортиқ вақтдан бери ишлайди. Айнан у туфайли Дональд Трампнинг рафиқаси ўзига хос қиёфага эга.
Мелания Трамп услубида турмак яратишни бошлашдан олдин сочни тўлиқ қуритиш керак. Сўнгра соч тўлқинсимон кўринишга эга бўлиши учун бигудиларга ўралиб, 30-40 дақиқага қолдирилади. Сочлар бигудидан ечилгач бармоқлар ёрдамида таралади ва ажойиб кўринишни ҳосил қилади.
Грэйс Келли
Монако шаҳзодаси рафиқасининг кундалик соч турмаги ихчамлиги ва нафислиги билан ажралиб турарди. Грэйс Келли ҳар доим пешонасини очган ҳолда сочларини ён томонга таради, кейин жингалак қилинган сочларни турмаклади. Биринчи марта ушбу турмак малика учун Александр де Пари томонидан яратилган.
Ушбу соч турмаги қуритилмасдан олдин амалга оширилади. Сочнин юқори қисми ҳам тўлқинсимон кўринишда бўлиши учун махсус қисқичлардан фойдаланиш мумкин. Сўнгра эҳтиёткорлик билан улар олиб ташланади ва турмак кутилган кўринишда бўлади.
Қиролича Летисия
Испания қиролининг рафиқаси ўрта узунликдаги сочларни яхши кўради. Кўпинча Летисиа табиий ва бироз жингалак соч турмагини афзал кўради. Қироличанинг соч турмагини такрорлаш учун фен ва думалоқ тароқдан фойдаланиш кифоя.
Ушбу соч турмаги ҳар қандай кўриниш учун мос бўлиб, образни янада бойитади. Сочларни юқоридан бошлаб думалоқ тароқ ёрдамида фен ёрдамида жингалак қилиш орқали ҳам ҳажм, ҳам тўлқинсимон кўриниш бериш мумкин.
Асма Асад
Суриянинг биринчи хоними ҳам боб соч турмагининг мухлисидир. Асма Асаднинг севимли версияси — енгил жингалак боб. Ушбу услубни такрорлаш учун конус шаклидаги турмаклагич керак бўлади. Унинг ёрдамида соч жингалак кўринишга келтирилади. Охирида улар сийрак тароқ ёки қўллар билан таралади. Узоқ муддатли услублар учун сочларга лак сепилади.
Изоҳ (0)