Сўнгги пайтларда органик нарсаларга устунлик бериш урфга айланди. Бу, айниқса, косметикада кўпроқ учрайди. Оддий бўёқдан органик рангга ўтишим керакми? «Новий очаг» нашри профессионаллар ёрдамида қайси соч бўёғини танлаш яхшироқ эканини маълум қилди.
Органик бўёқларда аммиак борми?
Органик бўёқларда аммиак мавжуд. Аммиакнинг ҳиди оддий соч бўёғидан фойдалангандан кўра кучлироқ бўлиб туйилиши мумкин, аммо бу органик бўёқда аммиак кўп дегани эмас, шунчаки ишлаб чиқарувчилар унинг ҳидини йўқотиш учун хушбўйлантирувчилардан фойдаланмайди.
Органик бўёқ тезроқ ўчиб кетадими?
У одатдагидек сочларда қолади ва эҳтимол ювишда бироз кўпроқ вақт олади. Чунки органик бўёқдан фойдалангандан кейин сочлар силлиқлашади ва пигментни яхшироқ ушлаб туради. Табиий пигментлар хина, басма бўлиб, улар катта молекулаларга эга ва соч толаларига кириш қобилияти паст.
«Бўяшдан кейин сочларим ҳажмини йўқотди. Нега?»
Органик бўёқ билан бўялгандан сўнг сочлар жуда силлиқ, ипакдек майин бўлади, шунинг учун у камроқ ҳажмли бўлиб туйилиши мумкин. Дарҳақиқат, табиий ҳажм ҳеч қаерга кетмайди, шунчаки бир-бирига маҳкам ўрнашганлиги сабабли, сочлар ишмайди ва соч турмаги силлиқроқ кўринади. Кўпроқ ҳажмга эришиш учун махсус ускунларадан фойдаланиш мумкин.
«Менинг бош терим таъсирчан. Бўёқ аллергия берадими?»
Анъанавий бўёқ ҳолатида бўлгани каби, аллергия текширувини олдиндан ўтказиш тавсия этилади. Аммо статистик маълумотларга кўра, органик бўёққа аллергик реакция оддий бўёқдан кўра камроқ. Бундан ташқари, бўёқ таркибида бош терисини тинчлантирувчи ва совитадиган ингредиэнтлар мавжуд бўлиб, бу ранг бериш жараёнини янада қулайроқ қилади.
Органик бўёқлар учун ранглар палитраси қанчалик кенг?
Одатдагидан анча кенгроқ, чунки у чексиздир. Органик ранг беришда тайёр композициялар йўқ, мутахассис ҳар бир рангни мижоз учун алоҳида тайёрлайди. Махсус картада унга қайси ранглардан қанча нисбатда фойдаланганлик киритилади, бу ҳар доим ўзига хос, бетакрор комбинация бўлиб, у фақат сизники бўлади.
Бўяш жараёни қанча давом этади?
Одатда жараён 20-30 дақиқа давом этади.
Органик бўёқ оқарган сочларни беркитадими?
Оддий бўёқларга қараганда анча самарали, чунки формулани қўлда тузиш туфайли иложи борича табиий кўринадиган рангни аниқроқ танлаш мумкин. Оқ сочлар кўпроқ кул ранг ёки сариқ рангга эга, ранг танлашда, албатта, бу ҳам инобатга олинади.
Агар бу бўёқ хавфсиз бўлса, демак, ҳафтасига камида бир марта қайта бўяш мумкинми?
Бўёқни тез-тез ювиш ва янгисини қўллаш сочларнинг тузилишига ёмон таъсир қилади. Бўяшни ҳар икки ҳафтада бир мартадан кўп бўлмаган ҳолда амалга ошириш тавсия этилади.
Изоҳ (0)