Маълум бўлишича, инглиз аёллари ўртача ҳар йили соч парвариши учун тахминан 751 фунт стерлинг (тахминан 900 доллар) сарфлайди — бу ойига камида 60 фунт стерлинг (72 доллар)дан тўғри келади. Ишончимиз комилки, бошқа миллат аёлларининг ҳам харажатлари тахминан шундай миқдорни ташкил қилади. Стилист ва мутахассислар томонидан тавсия этилган соғлом сочларни сақлаш бўйича фойдали маслаҳатлар кўп нарсаларни тежашга ёрдам беради, деб ёзади Marie Claire.
Сочни тўғри ювинг
Сочни қанчалик тез-тез ювиш кераклиги ҳақидаги савол ҳали ҳам кўпчиликни ўйлантириб қўймоқда. Аммо уни қандай қилиб тўғри амалга оширишни ҳам ўйлаб кўриш лозим. Яхшироқ тозалаш учун фақат учларини ишқалаш, намлаш ва ювиш керак эмас, балки бир неча марта уқалаш, кўпикни ҳаракатлар узунлиги бўйлаб тақсимлаш етарли бўлади. Агар соч бўялган бўлса, ювиш тартибига икки баравар эҳтиёт бўлиш лозим: нотўғри ювиш натижасида улар порлоқ кўриниши ҳамда рангини йўқотади.
Рангини йўқотмаслик учун қуйидагича ювиш керак: шампунь билан сув процедураларини минимал даражага камайтириш ва кондиционерни қўллаш мумкин. Иложи бўлса, ювганда сувни илиқ ёки бироз совуқроқ қилиш керак, бу бош терисини яхшилайди, сочларнинг тезроқ ўсишига ёрдам беради ва рангнинг тез ўчиб кетишининг олдини олади.
Бош терисига ғамхўрлик қилинг
Соч учун мукаммал шампунни топдим деб ўйласангиз ҳам, унинг бош терисига мос эканини текшириш керак. Бу соғлом сочларга биринчи ва асосий қадамдир. Қичишиш, қизариш хусусияти, қазғоқ — бу белгиларни эътиборсиз қолдирмаслик лозим. Шошилинч равишда трихолог билан учрашувга ёзилиш ёки ҳеч бўлмаганда парваришни ўзгартириш жуда ҳам муҳим.
Сочларни тўғри таранг
Шуни ёдда тутиш керакки, нам сочларни тараш мумкин эмас, чунки бу ҳолатда улар жуда заифдир. Лекин уларни қуруқ тараш усули ҳам ўзига хос. Чунки ҳамманинг сочи турли хил хусусиятга эга. Тароқлар биринчи ўринда тоза ва тишлари синмаган бўлиши лозим. Кенг тишли тароқлар қуруқ сочларни ювгандан кейин тараш учун, майда тишли тароқдан эса тартибга солиш учун фойдаланиш мумкин. Қуруқ жингалак сочлар энг яхшиси бармоқлар билан тараган афзал.
Парвариш маҳсулотларини эътиборсиз қолдирманг
Ҳафтада камида бир марта сифатли соч ниқобидан фойдаланиш тавсия этилади. Ниқобни қўллашда, сочларнинг ҳеч бўлмаганда яхши сиқилганлигига ишонч ҳосил қилиш лозим. Намлик маҳсулотнинг соч тузилишига тўлиқ сингишига халақит беради ва ортиқча сув шунчаки маҳсулотнинг ювилишига ва ҳеч қандай таъсир қилмасдан узунлиги бўйлаб оқишига олиб келади.
Шунингдек, сочларини фен билан қуритганда ёки текислаш учун дазмолдан фойдаланганда, иссиқликдан ҳимоя қилувчи спрейдан фойдаланиш керак. Қолаверса, соч саломатлигида муҳим бўлган табиий ёғлар ҳанузгача ўз аҳамиятини йўқотмаган. Улардан ҳафтада бир-икки маротаба ниқоб ўрнида фойдаланиш мумкин.
Ҳаёт тарзини ўзгартиринг
Бу сочларнинг ўсиши ва янгиланиш тезлигига бевосита таъсир қилади. Ратисонда соғлом ёғлар (ёнғоқ, авакадо, ёғли балиқ) билан тўлдирилганлигига ишонч ҳосил қилиш лозим, улар том маънода сочни ички томондан озиқлантиради. Бундан ташқари, соч ўсишига ижобий таъсир кўрсатувчи маҳсулотлар истеъмол қилиш тавсия этилади.
Изоҳ (0)