Германия ҳукумати ҳарбий ёрдам доирасида Украинага 20 та 70 миллиметр калибрли ракета отиш мосламалари, улар учун 2000 та ракета, 30 та МГ-3 пулемёти ва 155 миллиметрли артиллерия учун 1500 дан ортиқ снарядлар беради. Бу ҳақда Германия Вазирлар Маҳкамаси сайтида хабар қилинган.
«Ушбу ёрдам пакети Бундесвер ва Германия саноати захираларидан таъминотни ўз ичига олади, у федерал ҳукуматга ёрдам деб аталадиган маблағлардан молиялаштирилади», — дейилади ҳисоботда.
Бундан ташқари, Германия расмийлари Киевга топширилган «Гепард» ўзиюрар зенит қуроллари сонини 12 тадан 15 тага, М113 зирҳли транспорт воситалари сонини 33 тадан 44 тагача оширишга ваъда берди. Украина, шунингдек, Германиядан 60 200 та 40 миллиметр калибрли ўқ-дорилар, 12 та зирҳли қутқарув машинаси ва 255 та юқори аниқликдаги Vulcano артиллерия снарядларини олади.
2022 йилнинг 1 январидан 8 августигача Германия ҳукумати Украинага умумий қиймати 686,4 миллион еврога тенг қурол экспорт қилишни маъқуллаган, дейилади хабарда.
Мавзуга доир: АҚШ Украинага «жанг майдонидаги вазиятни ўзгартиришга» қодир қурол-яроғ етказади
Изоҳ (0)