Ўзбек миллий драма театри актёри Миролим Қиличев «Chotki TV» YouTube каналига берган интервьюсида нима сабабдан тўйларга чиқиши, бундан афсус қилган ҳолатлари, болалиги, ким бўлишни орзу қилгани, болалигидаги «қора кунлар», қўшхотинлик ва кўп хотинликка муносабати, нималар йўқотгани, топганлари ҳақида гапирди.
Актёр нима сабабдан тўй хизматларида иштирок этади ва бундан афсусланган пайтлари ҳам бўлганми?
«Ҳаммаси иложсизликдан. Масалан, менинг ҳам пулим етарли бўлганида тўйга чиқмаган бўлар эдим. Тўғрисини айтаман, нолимайман, тўйнинг орқасидан кўп нарсага эришдим. Шунинг ортидан уй-жой қилдим, уйимдагиларга, ака-укаларимга ёрдам бераман. Ниманинг ортидан, шу тўйнинг ортидан. Тўй қилаётганлар ҳам ният қилиб чақиради, ўша актёрнинг ижодини яхши кўради, ёши катталар эса ўз боласидек қабул қилади.
Кейин менинг тўйимга келсин деб ният қилади ва керак бўлса сиз сўраган пулнинг ёнига ҳам яна қўшиб, чўнтагингизга солиб хурсанд бўлади ва совғалар билан кузатади. Тўғри ҳозир театрдаги актёрларнинг асосий тирикчилиги тўйдан бўлиб қолди. Энди бир йилдан буён сериаллар ривожланиб сериалдан ҳам, дубляждан ҳам даромад топиляпти. Билмадим, тўйда ҳам халқнинг олдида бўламиз.
Афсусланган пайтларим ҳам бўлган. Неча кунлаб узоқ йўлда юрамиз, яна борганимизда кимдир келиб ичиб олган ҳолда асабимизга тегади. Афсусланиш бўлади. Агар пулим, бизнесларим бўлганда, бу эса ўзимга, оиламнинг эҳтиёжига етарли бўлганда тўйга чиқмаган бўлар эдим. Ҳозир ният қиляпман, келажакда тўйларга чиқмайман, лекин бунинг ёмон жойи йўқ», — дейди актёр.
Миролим Қиличев болалиги, ким бўлишни орзу қилгани, оиласи ҳақида
«Болалигим зўр ўтган, афсус қилмайман. Мактабда яхши ўқиганман. Бухоро вилояти, Ромитан тумани, Чандир қишлоғида туғилганман. Болалигим қишлоқда, шўх-шодон лой сувларда чўмилиб, мол-қўй боқиб, далада ишлаб вояга етганмиз. Дадам ҳайдовчи бўлган, қолаверса қўшимча деҳқончилик қилганмиз, ишлаб, меҳнат қилиб ўсганмиз. Мактабдаги ўқитувчиларим ҳам роса кучли билимга эга бўлган, яхши илм беришга, мен ҳам яхши ўқиганман. Қишлоқда қийналиб катта бўлганимиз учун ҳам орзу-истак баланд бўлган.
Мен Тошкентдаги олийгоҳда ўқишим, катта-катта ютуқларга эришишим керак деб ёшликдан орзу қилганмиз. Биринчи 5, 6-синфлигимизда тарих фани бошланганда прокурор бўламан деб орзу қилганман. Кейин математика, физикага қизиқиб уни ҳам яхши ўрганганман ва банкда ишлайман, пулим кўп бўлади деб ният қилганман. Шундан сўнг 11-синфда ёки коллеж, лицейда ўқиш пайтида кўп синфдошларим коллеж, лицейларга кетиб қолди. Мен ҳам кетаман деб ойимга хархаша қилганимни эслайман.
Кейин ойим актёр бўласанми деб сўрадилар, лекин ниятим бор эди, фақат қандай қилиб у йўлда юришни билмас эдим. Кинони кўриб ўзимни бош қаҳрамонда тасаввур қилар эдим. Кўпинча ҳинд фильмларидаги Салмон Хон, Шоҳрух Хон, Амир Хон иштирокидаги фильмларни қайта-қайта кўрар эдим. Шундан кейин раҳматли Муҳаммад Рафиқовнинг олдига, Бухорога телевединеесига ойим билан борганман. Ўшанда мени кўриб битта шеър айтиб беришимни сўради, айтиб бердим. Шу пайт 15 ёки 16 ёшда эдим.
Кейин у инсон маъқул келганини, олдига келаверишимни айтди. Биз ўзи аслида раҳматли устозимиз Бахтиёр Ихтиёровнинг олдига, Тошкентга бормоқчи эдик. Кейин шу билан устоз-шогирд бўлдик. Орадан бир-икки йил ўтиб талабалик бахти насиб қилди», — дейди Миролим Қиличев.
Актёр болалигидаги «қора кунлар»и, онаси касал бўлгани, уйда ейишга нон бўлмаган пайтлари ҳақида
«Болалигимда ҳам, вояга етганимдан кейин ҳам «қора кунлар» бўлган. Болалигимда онам раҳматли бир оғир дардга чалиниб операция бўлди, шифохонага ётқиздик. Ўшанда роса тушкинликка тушганман, 11 ёки 12 ёшда эдим. Опам талаба эди, уйда акам, мен, дадам эса йўлда юрган, яъни ҳайдовчи эди. Шунақа вақтлар бўлардики, уйда овқат қилолмасдик ёки бир бурда нонимиз қолмас эди. Шу даражада бўлган, ўшанда қўшниларимиз овқат олиб чиқиб берар эди. Кейин иккинчи тоғам кўп ёрдам берар эди, бизни қўллаб-қувватлаган.
Шу 2021, 2022 йил омадли ва омадсиз йил бўлди мен учун. Устозим Муҳаммад Рафиқов бу оламни тарк этди, яхши эди, 3 кун ичида шу иш бўлди, шифохонага ётганида гаплашиб турар эдик. У инсон киши яхшиман, насиб бўлса тўйларингда хизмат қиламан дерди. Яқинда, рўза ойида, Лайлат-ул Қадр кечасида онам бу дунёни тарк этди. Мана шу энг даҳшатлиси, онани йўқотиш бошқача экан», — дейди актёр.
Актёр шу вақтга қадар нималар йўқотгани ва топгани ҳақида
«Кўп нарса орттирдим. Масалан, мухлисларни орттирдим, ижод қилдим, театрда шунча азиз устозлар билан, дўстлар билан ишладим, акалар, қадрдонларни топдим. Йўқотганларим онамни соғинчи кўп бўларди. Уларнинг олдида кўп туролмадим, кўп вақтим пойтахтда ўтди. Тўғри менинг олдимда бир йил, бир ой, 15 кунлаб туриб кетарди, мен борсам бир ҳафта, 10 кун турардим. Мени кўп соғинар эди, ёшлигимда хизматларини қила олмадим. Пойтахтга одам бўлай, мана шу юртга фойдам тегсин, керакли инсон, актёр бўлай деб ҳаракат қилдим, лекин онамни кўп соғинтирдим.
Кейин мен онамни ҳеч ўлади деб ўйламас эдим. Чунки яхши бўлиб бирдан шунақа бўлиб қўлди, охирги бир икки йил ичида хурсанд қилишга ҳаракат қилдим, ёки қаердадир яхши шифокорни эшицам олиб борар эдим. Қаердадир дорини реклама қилса ўғлим шуни олиб келиб бер деса олиб келардим. Шу билан онамнинг кўнгли хурсанд бўлар эди», — дейди актёр.
Мавзуга доир:
- Instagram: Алишер Қодировни концертга таклиф қилган Даврон Кабулов, Dili.me туғилган кунидаги сюрприз, Миролим Қиличев оиласидаги жудолик.
- Машҳура Зулфиқорова, Миролим Қиличев, Барчин Ғофурова ва салбий роллари учун томошабинлар нафратига учраган бошқа актёр ва актрисалар (фото, видео)
- Миролим Қиличев Аҳмадбой сабаб Matiz, Captiva 2 ва уч хонали уйидан ажралиб, кўчада қолгани ҳақида гапириб берди (видео).
- Актёр Миролим Қиличев ўзидан 15 ёш кичик қизга уйлангани ва «иккинчи марта уйланди» деган миш-мишлар ҳақида сўзлаб берди (видео).
Изоҳ (0)