Эрон расмийлари ёзувчи Салмон Рушдийга суиқасд уюштирилгани бўйича илк бор ўз изоҳини берди. Бу ҳақда Reuters’га таяниб, «Meduza»нашри хабар бермоқда.
Эрон Ташқи ишлар вазирлиги матбуот котиби Носир Канани Чафи 15 август куни бўлиб ўтган матбуот анжуманида шундай деди: «Суиқасд билан боғлиқ вазиятда биз Рушдий ва унинг тарафдорларидан бошқа ҳеч кимни айбдор ёки қораланишга лойиқ деб ҳисобламаймиз, ҳеч кимни Эронни айблашга ҳаққи йўқ».
Шунингдек, Эрон ташқи ишлар вазирлиги вакили, ҳодиса ҳақида оммавий ахборот воситаларида пайдо бўлган хабарлардан бошқа ҳеч қандай маълумот йўқлигини айтди.
Эслалтиб ўтамиз, 12 август куни Нью-Йорк штатидаги Чаутауқуа институтида Рушдига 24 ёшли Ҳади Матар исмли шахс пичоқ билан ҳужум қилган эди. Ҳозирда 75 ёшли ёзувчи оғир жароҳат олиб, шифохонада ётибди. Ҳужумчи воқеа жойида қўлга олинган, бироқ у ўз айбини тан олишдан бош тортмоқда.
Мавзуга доир: Россия Давлат думаси ёзувчи Рушдийга қилинган ҳужумга изоҳ берди
Изоҳ (0)