Тошкент вилоятининг Ўрта Сҳирчиқ туманида Nexia-1 ҳайдовчиси бошқарувни йўқотиб, каналга тушиб кетди. Бу ҳақда ФВВ матбуот хизмати хабар берди.
14 август куни тахминан 15:30 ларда Тошкент вилояти Ўрта Чирчиқ тумани «Ўртаовул» МФЙ ҳудудидан оқиб ўтувчи «Тошкент» магистрал каналига Nexia-1 ҳайдовчиси кутилмаганда бошқарувни йўқотиш оқибатида тушиб кетгани ҳақида вилоят ФВБга хабар келиб тушган.
Маълум бўлишича, автомобилда ҳайдовчининг ўзи бўлган ва сувга тушишдан олдин тушиб қолишга улгурган.
Хабарга асосан зудлик билан қутқарувчилар воқеа жойига етиб бориб, сувда қидирув-қутқарув махсус асбоб-амжомлари ва Фавқулодда вазиятлар давлат қуйи тизимига кирувчи ташкилотлар техникаларини жалб қилган ҳолда автомобиль каналдан олиб чиқилган.
Ҳодиса оқибатида тан жароҳати олган ва ҳалок бўлганлар йўқ.
Мавзуга доир:
Изоҳ (0)