Британиялик ёзувчи Салмон Рушдий нима билан шуғулланаётганини ва асарларининг оқибати нималарга олиб келишини олдиндан билар эди, дейди Давлат думаси депутати Олег Морозов. Бу ҳақда «Gazeta.ru» хабар бермоқда.
Аммо, шу билан биргаликда, депутатнинг фикрича, ёзувчига қилинган ҳужум қандай мақсадда бўлишидан қатъи назар, жиноят деб баҳоланиши керак.
Рушдий нима билан шуғулланаётганини яхши биларди. Бу унинг танлови эди. Ва унинг китобига муносабатни олдиндан айтиши мумкин эди, — деди Морозов.Унинг қўшимча қилишича, диний экстремизмни қоралаш мумкин, аммо бундай ҳодисалар келажакда ҳам барибир учраб тураверади.
Рушдийнинг «Шайтон оятлари» (1988) романи исломга зид деб ҳисоблангани учун мусулмон мамлакатларида норозилик уйғотди. Эронлик оятуллоҳ Руҳуллоҳ Ҳумайний ўз фатвосида Рушдийни ошкора лаънатлаб, ўлимга ҳукм этган.
Узоқ вақт давомида ёзувчи яшириниб яшашга мажбур бўлди, унинг китоби кўплаб мамлакатларда тақиқланган. Эронда ҳатто Ҳумайний фатвоси ижроси учун бир неча миллион доллар мукофот эълон қилинди.
Аввалроқ Салмон Рушдий ҳушига келгани ва вентилятордан чиқарилгани хабар қилинганди. Шахсий вакил Эндрю Уайли ёзувчининг аҳволи яхшилангани ҳақида хабар берди. Унинг сўзларига кўра, Рушдий шифокорлар билан гаплашиб ва ҳатто ҳазиллаша оляпти.
Мавзуга доир: Суиқасд оқибатида яраланган ёзувчи Салмон Рушдий сунъий нафас олдириш аппаратига уланди. У бир кўзидан айрилиши мумкин
Изоҳ (0)