Фото: Наманганнинг Тўрақўрғон тумани далаларида пахта очилди
Наманган вилоятининг Тўрақўрғон тумани далаларида пахта очилди. Бу ҳақда «Дарё» мухбири Азизбек Абдувалиев хабар бермоқда.
Пахта очилган далалар тумандаги «Бахтиёр Неъматжон Шавкатжон» фермер хўжалигига қарашли. Бу ерда 116 гектар майдонда «Андижон-35» нави экилган бўлиб, якунда жами 477,2 тонна хом ашё йиғиштириб олиш кўзда тутилган.
Фермер хўжалиги раҳбари Баҳодир Тожибоев бу йил пахта одатдагидан ўн кун эртароқ етилганини ҳаво ҳарорати ўта иссиқ келгани билан изоҳламоқда. Қолаверса, хўжалик пахта майдонларининг 95 гектарига плёнка тортилган, 75 гектарида эса томчилатиб суғориш технологияси жорий этган.
Тожибоевнинг ҳисоб-китобларига кўра, жорий йил 1-сентябрга қадар пахтанинг 90 фоизи очилади ва байрамдан сўнг бемалол йиғим-теримга тушса бўлади.
Маълумот учун, Ўзбекистонда жорий йил ўрта толали пахта хом ашёсининг минимал нархи қўшилган қиймат солиғи билан бирга 10 025 минг сўмни ташкил этмоқда. Ўтган йили бу кўрсаткич 7100 сўмга тенг бўлганди.
Мавзуга доир:
