Самарқанд шаҳрида гиёҳвандлик воситасининг олди-сотдисига чек қўйилди. Бу ҳақда вилоят божхона бошқармаси ахборот хизмати хабар берди.
Қайд этилишича, вилоят божхона бошқармаси контрабандага қарши курашиш бўлими ҳамда Давлат хавфсизлик хизмати Самарқанд вилояти бошқармаси билан ҳамкорликда гиёҳвандлик воситаларининг ноқонуний айланмасига қарши курашиш йўналишида тезкор тадбирлар ўтказилди.
Тадбир давомида Самарқанд шаҳрида фуқаро О.М. шартли харидорга вазни 8 грамм бўлган героин гиёҳвандлик воситасини 1600 долларга сотаётган вақтида тадбир иштирокчилари томонидан қўлга олинди.
Ҳозирда ушбу шахсга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Изоҳ (0)