Ўзбекистон Интерполнинг АҚШдаги Миллий марказий бюроси орқали қидирувда бўлган шахс аниқланиб, қайтарилди, деб хабар бермоқда Интерполнинг Ўзбекистондаги Миллий марказий бюроси.
Маълум қилинишича, Ўзбекистон Интерпол ММБ ахборот билан таъминлаш ва АҚШ ваколатли органлари ходимлари билан ҳамкорликда Жиноят кодексининг 169-моддаси (ўғрилик) 4-қисмида назарда тутилган ўта йирик ҳажмдаги ўғриликни содир этгани учун ички ишлар органлари томонидан қидирувда бўлган Ўзбекистон фуқароси ушланган.
Америка томони Ўзбекистон Интерпол Миллий марказий бюроси ходимлари ва АҚШнинг ваколатли органлари билан олиб борилган музокаралар, қўшма тезкор ҳаракатлар ва ахборот алмашинуви натижасида қидирувдаги шахсни мамлакатдан чиқариб юбориш тўғрисида қарор қабул қилинган.
Жиноятчи АҚШ Иммиграция ва божхона назорати (ICE) ходимлари ҳамкорлигида Ислом Каримов номидаги Халқаро аэропортга олиб келинган ва Ўзбекистон Интерпол ходимларига топширилган.
Мавзуга доир:
Изоҳ (0)