O‘ta yirik hajmdagi o‘g‘rilik sodir etgani uchun qidiruvda bo‘lgan o‘zbekistonlik erkak AQSHdan ekstraditsiya qilindi

O‘zbekiston Interpolning AQSHdagi Milliy markaziy byurosi orqali qidiruvda bo‘lgan shaxs aniqlanib, qaytarildi, deb xabar bermoqda Interpolning O‘zbekistondagi Milliy markaziy byurosi.

Ma’lum qilinishicha, O‘zbekiston Interpol MMB axborot bilan ta’minlash va AQSH vakolatli organlari xodimlari bilan hamkorlikda Jinoyat kodeksining 169-moddasi (o‘g‘rilik) 4-qismida nazarda tutilgan o‘ta yirik hajmdagi o‘g‘rilikni sodir etgani uchun ichki ishlar organlari tomonidan qidiruvda bo‘lgan O‘zbekiston fuqarosi ushlangan.

Amerika tomoni O‘zbekiston Interpol Milliy markaziy byurosi xodimlari va AQSHning vakolatli organlari bilan olib borilgan muzokaralar, qo‘shma tezkor harakatlar va axborot almashinuvi natijasida qidiruvdagi shaxsni mamlakatdan chiqarib yuborish to‘g‘risida qaror qabul qilingan.

Jinoyatchi AQSH Immigratsiya va bojxona nazorati (ICE) xodimlari hamkorligida Islom Karimov nomidagi Xalqaro aeroportga olib kelingan va O‘zbekiston Interpol xodimlariga topshirilgan.

Mavzuga doir:

• Interpolning O‘zbekistondagi byurosi qirg‘izistonlik yirik firibgarni qo‘lga oldi
• Polsha zo‘rlaganlikda ayblanayotgan erkakni O‘zbekistonga ekstraditsiya qildi
• O‘zbekistonda firibgarlik sodir etgani uchun xalqaro qidiruvda bo‘lgan shaxs Polshadan ekstraditsiya qilindi