Нонушта, албатта, мазали бўлиши керак. Бу инсоннинг кўнглини кўтаради, иш куни енгилроқ ўтишига ҳисса қўшади ва энергия билан таъминлайди. Айтганча, парҳезшуносларнинг таъкидлашича, эрталаб нонушта қилиш учун севимли маҳсулотларни куннинг бошқа вақтларига қараганда кўпроқ сотиб олиш мумкин. «Новий очаг» нашри нонушта учун айни муддао бўлган бир қанча рецептлар билан бўлишди.
Нонушта учун сендвич
Нонушта деганда хаёлга фақат колбаса ёки пишлоқ келиши мумкин. Аммо сендвичга энди сабзавот, суюқ пишлоқ, турли хил таъмли соус қўшиб, татиб кўриш тавсия этилади. Айтганча, авокадо ҳам сендвич учун жуда ажойиб вариант. Уни блендерда бир қошиқ зайтун мойи ва лимон шарбати билан аралаштириб, фойдали соус тайёрлаш мумкин.
Уйда бор масаллиқдан тайёрланадиган нонушта
Уйда пиширилган товуқдан қолганми? Уни сабзавот бўлаклари, майдаланган пишлоқ ва бир қошиқ иссиқ соус билан лаваш хамирига ўраймиз. Тайёр бўлган рулет иссиқ товада 2 дақиқа давомида қиздириб олинади. Натижада ичидаги масаллиқлар эриб, ажойиб таъмни ҳосил қилади. Агар қайнатилган гуруч бўлса, уни зираворлар билан димлаш мумкин. Янада тўйимли бўлиши учун қайнатилган тухумни бўлаклаб қўшиш тавсия этилади.
Кечқурун тайёрланадиган нонушта
Нонушта учун жуда яхши вариант — гренкалар ёки нонли пудинг. Бундан ташқари, нон тухум-сут аралашмаси билан тўйиниши учун пудингни кечқурун тайёрлаб қўйган яхшироқ. Тонгда печда пудингни пишириш ва иссиқ ҳолда дастурхонга тортиш учун 35 дақиқа керак бўлади.
Нонушта учун мазали егулик
Эрта тонгда булочканинг хушбўй ҳидидан ёқимлироқ нима бўлиши мумкин? Аммо бундай вақтда хамир қориш кўпчиликка ёқмайди. Шунинг учун тайёр хамирдан фойдаланиб, мазали нонушта тайёрлаш мумкин. Хамир ўртача катталикда ёйилиб, дастлаб соус, помидор ва тухум билан печда пишириб олинади. Ушбу пишириқ пиццани хуш кўрувчилар учун айни муддао.
Куни оғир ўтадиганлар учун нонушта
Агар кун давомида тушлик қилишга вақт бўлмаса, эртанги нонушта учун тайёр котлетлар харид қилиб, мазали бутерброд тайёрлаб олиш мумкин. Булочка орасига котлет, салат барги ва таъбга кўра сабзавотлар ҳамда тухум ҳам қўшиш тавсия этилади. Ушбу егулик витаминга бой бўлиши билан бирга тўйимли ҳамдир.
Изоҳ (0)