Хитойда инфляция қиммат чўчқа гўшти сабаб икки йил ичида энг юқори даражага етди

Хитойда июль ойида истеъмол нархлари 2020 йил июлидан буён рекорд даражага кўтарилди. Бу ҳақда «Интерфакс» хабар бермоқда.

Бундай юқори инфляция озиқ-овқат, хусусан, чўчқа гўшти нархининг кўтарилиши фонида юз берди.

Ўтган ойда истеъмол нархлари йиллик кўрсаткичларда 2,7 фоизга ошди. Июнь ойида бу кўрсаткич 2,5 фоизни ташкил этган эди.

Trading Economics маълумотларига кўра, таҳлилчилар июль ойида ўсиш суръатларининг ўртача 2,9 фоизгача ошишини кутган.

Озиқ-овқат нархлари бир ой олдин атиги 2,9 фоизга ошганидан кейин йилига 6,3 фоизга юқорилади. Шу жумладан, чўчқа гўшти нархи июнь ойида 6 фоизга тушганидан кейин 20 фоизга кўтарилди.

Ноозиқ-овқат секторида июнь ойидаги 2,5 фоиздан 1,9 фоизгача нархлар ўсишининг секинлашиши кузатилди.

Жумладан, транспорт ва телекоммуникация хизматлари 6,1 фоизга, кийим-кечак 0,7 фоизга, маиший товарлар ва хизматлар 1,4 фоизга, тиббий хизматлар 0,7 фоизга қимматлашди.

Истеъмол нархлари июль ойида ўтган ойга нисбатан 0,5 фоизга ошди, июнь ойида эса барқарор. Кўрсаткичнинг ўсиш суръати Trading Economics томонидан сўралган экспертларнинг кутганига тўғри келди.

Январь—июль ойларида нархлар 2021 йилнинг шу даврига нисбатан 1,8 фоизга ошди.