2030 йилга бориб, Украинадаги уруш ва шунга боғлиқ равишда энергия нархининг ошиши туфайли Германиянинг йўқотишлари 265 млрд долларга етади. Бу ҳақда Reuters хабар бермоқда.
Таҳлилчиларга кўра, Германия ялпи ички маҳсулоти кейинги йилнинг ўзида 1,7 фоизга пасаяди.
Германияда бандлик даражаси 2023 йилда 240 минг иш ўрнига паст бўлади ва бу даража 2026 йилгача сақланиб қолади.
Шундан сўнг, бандлик даражаси ўсишни бошлайди ва салбий таъсирлар юмшайди. 2030 йилга бориб эса иш ўринлари сони 60 мингга кўпаяди.
Агар аллақачон 160 фоизга ошган энергия нархи яна икки баравар ошса, йўқотишлар янада жиддийроқ бўлади.
Бу ҳолда, 2023 йилда Германия ялпи ички маҳсулоти 4 фоизга паст бўлади ва уч йил ичида ходимлар сони 660 минг кишига камаяди.
Аввалроқ АҚШ Германияга биринчи марта олтингугуртли нефть етказиб бергани ҳақида хабар берилганди.
Изоҳ (0)