Xitoyda inflyatsiya qimmat cho‘chqa go‘shti sabab ikki yil ichida eng yuqori darajaga yetdi

Xitoyda iyul oyida iste’mol narxlari 2020-yil iyulidan buyon rekord darajaga ko‘tarildi. Bu haqda “Interfaks” xabar bermoqda.

Bunday yuqori inflyatsiya oziq-ovqat, xususan, cho‘chqa go‘shti narxining ko‘tarilishi fonida yuz berdi.

O‘tgan oyda iste’mol narxlari yillik ko‘rsatkichlarda 2,7 foizga oshdi. Iyun oyida bu ko‘rsatkich 2,5 foizni tashkil etgan edi.

Trading Economics ma’lumotlariga ko‘ra, tahlilchilar iyul oyida o‘sish sur’atlarining o‘rtacha 2,9 foizgacha oshishini kutgan.

Oziq-ovqat narxlari bir oy oldin atigi 2,9 foizga oshganidan keyin yiliga 6,3 foizga yuqoriladi. Shu jumladan, cho‘chqa go‘shti narxi iyun oyida 6 foizga tushganidan keyin 20 foizga ko‘tarildi.

Nooziq-ovqat sektorida iyun oyidagi 2,5 foizdan 1,9 foizgacha narxlar o‘sishining sekinlashishi kuzatildi.

Jumladan, transport va telekommunikatsiya xizmatlari 6,1 foizga, kiyim-kechak 0,7 foizga, maishiy tovarlar va xizmatlar 1,4 foizga, tibbiy xizmatlar 0,7 foizga qimmatlashdi.

Iste’mol narxlari iyul oyida o‘tgan oyga nisbatan 0,5 foizga oshdi, iyun oyida esa barqaror. Ko‘rsatkichning o‘sish sur’ati Trading Economics tomonidan so‘ralgan ekspertlarning kutganiga to‘g‘ri keldi.

Yanvar—iyul oylarida narxlar 2021-yilning shu davriga nisbatan 1,8 foizga oshdi.