Тошкент вилояти Янгийўл туманида наслли қорамол олиш учун ажратилган кредит маблағини ўзлаштириш ҳолати аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Янгийўл туман бўлими томонидан терговга қадар текширув ўтказилган. Унда якка тартибдаги тадбиркор Д.А. ва бошқалар таниши А.нинг раҳбарлигидаги «А.Ҳ.» МЧЖга наслли қорамол сотиб олиш учун банк филиалидан ажратилган 500 миллион сўм кредит маблағи эвазига ушбу МЧЖга 52 та наслли қорамоллар етказиб берилгани ҳақида ҳужжатларни расмийлаштириб, кредит маблағини ўзлаштириш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ҳамда 228-моддаси (ҳужжатларни қалбакилаштириш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Қибрайда фуқаро 3,5 миллиард сўм кредит маблағларини талон-торож қилди
- Қашқадарёда сув таъминоти ходимлари 1,1 млрд сўмлик пўлат сув қувурларини талон-торож қилгани аниқланди
- Катта Андижон магистрал канали бошқармаси мансабдорлари жуда кўп миқдордаги бюджет маблағларини талон-торож қилгани аниқланди
Изоҳ (0)