Бангладеш пойтахти Даккада юзлаб талабалар ёқилғи нархини пасайтириш талаби билан намойишга чиқди, дея хабар бермоқда Dhaka Tribune нашри.
Талабалар 48 соат ичида ёқилғи нархини аввалги тарифларга туширишни, жамоат транспорти нархини ошириш тўғрисидаги қарорни бекор қилишни ва чипта нархининг ярмини тўлашга имкон берувчи талабалар нафақасини қайтаришни талаб қилган.
Жамоат транспортида йўлкира нархи номи остида анархия содир бўлмоқда. Бунга чек қўйиш керак. Транспорт эгалари томонидан яратилган чидаб бўлмас шароитлар туфайли йўловчилар аввал белгиланган тарифдан икки-уч баравар кўп тўлашга мажбур бўлмоқда, — дейди «Етти йўл» ҳаракати бош координатори Исмоил Самрат.5 август, жума куни ёқилғи нархлари кескин кўтарилган, шундан сўнг жамоат транспортида йўл ҳақи ҳам қимматлашган. 7 август, якшанба куни талабалар биринчи марта норозилик намойишига чиқди ва бу полиция ўртасидаги тўқнашув билан якунланди. Нашрнинг ёзишича, ҳар икки томондан қурбонлар бор.
Мавзуга доир: Тбилисида ҳукумат истеъфосини талаб қилувчи митинг бўлиб ўтди
Изоҳ (0)