Украина ва Россия миллионлаб тонна ғалла экспорти бўйича келишувга эришган биринчи ҳафтада мамлакат портларидан 300 минг тоннадан ортиқ дон ва қишлоқ хўжалиги маҳсулотлари экспорт қилинди. Бу ҳақда TRT телеканалига таяниб, «ТАСС» хабар бермоқда.
Ушбу келишув доирасида Украина портларидан 10 та донли кема чиқиб кетди, 305 минг 458 тонна юк ташилди.
Украинадан келаётган барча кемалар Босфор бўғозига киришда Қўшма мувофиқлаштириш маркази вакиллари томонидан текширилади.
Худди шундай тартиб қишлоқ хўжалиги маҳсулотларини олиш учун Украинага кетаётган қуруқ юк кемаларига нисбатан ҳам қўлланилади.
8 август кечқурун Украинани якшанба куни тарк этган тўртта дон ташувчи кема Истанбулга келиши кутилмоқда.
- Булар Италияга йўл олган 6 минг тонна кунгабоқар ёғи билан «Мустафо Нежати» қуруқ юк кемаси;
- Хитойга 45 минг тонна кунгабоқар юкланган «Юлдузли Елена» кемаси;
- Истанбулга 66 минг тонна маккажўхори ташувчи «Glory»;
- Туркиянинг Искендерун портига 44 минг тонна маккажўхори экспорт қилувчи «Riva Wind» қуруқ юк кемаси.
Аввалроқ Украина инқирози фонида мамлакатларда озиқ-овқат нархи кескин кўтарилаётгани ҳақида хабар берилганди.
Изоҳ (0)