Энергетика вазирлиги қуёш сув иситиш қурилмаларининг 5 та энг муҳим афзалликлари ҳақида маълумот берди.
Қайд этилишича, истеъмолчилар хонадонига қуёш сув иситиш қурилмаларини ўрнатиши ҳисобига қуйидаги имкониятларга эга бўлади:
- хонадонга қуёш сув иситиш қурилмаларини харид қилмоқчи бўлганларга харажатининг бир қисми компенсация қилиб берилади;
- ёки қуёш сув иситиш қурилмаларини 3 йил муддатгача фоизсиз бўлиб-бўлиб тўлаш орқали ўрнатиш мумкин;
- ушбу қурилмани ўрнатиш ҳисобига хонадонни текин ва узлуксиз иссиқ сув билан таъминлаш имконияти бор;
- қуёш сув иситиш қурилмаларини ўрнатиш эвазига электр ва иссиқ сув тўловларида 70 фоизгача маблағ тежалади;
- фуқаролар ушбу қурилмаларни ўрнатиш ҳисобига хонадонни қиш мавсумида иситиш имкониятига ҳам эга бўлади.
Маълумот учун: Ҳар бир ўрнатилган сув иситиш қурилмаси учун 2 миллион сўмгача компенсация тўлаб бериш амалиёти жорий этилади. Шунингдек, ускуна қийматини 3 йил ичида фоизсиз, бўлиб-бўлиб тўлаш имконияти ҳам яратилади.
Бунда, ҳар ой кетган харажат иқтисод бўлиши ҳисобига, сув иситиш қурилмаси 21 ойда пулини оқлайди ва қурилма ёнга қолади. Агар оила компенсацияни эмас, бўлиб-бўлиб тўлашни танласа, ойлик тўлов 170 минг сўм бўлади. Яъни ҳозирги тўловидан ҳам кам бўлади ва уч йилдан кейин иссиқ сув учун умуман харажат қилмайди.
Изоҳ (0)