Бугун,

  • USD 11095.31
  • RUB 173.84
  • EUR 10772.44

Тайваннинг Германиядаги вакили Се Чживей Хитой материги ва Тайван ҳукуматлари ўртасидаги кескинлик фонида Бундестаг (Германия парламенти) делегациясини оролга ташриф буюришга таклиф қилди. Бу ҳақда у Германиянинг Der Tagesspiegel газетасига берган интервьюсида айтган.

Фото: EPA

Фото: EPA

«Мен парламент спикери Бербел Басс бошчилигидаги Бундестаг делегациясининг Тайванга боришини таклиф қиламан. Бу парламент фракцияларидан эмас, балки Бундестагдан — халқ вакили бўлган ва ҳукуматга бўйсунмайдиган мустақил қонун чиқарувчи давлат органидан ташаббус сифатида қабул қилинади», — деди дипломат.

Шу билан бирга, у ҳозирги вазият «1996 йилдан буён ҳарбий тўқнашув учун энг катта туртки» бўлиши мумкинлигини қўшимча қилди. Се Чживейнинг сўзларига кўра, Тайванга исталган хорижий давлатнинг исталган нуфузли шахслари ташриф буюришига қарши Хитой тақиқларига чек қўйиш зарур.

Хитой ва Тайван ўртасидаги кескинлик сўнгги ҳафталарда АҚШ Вакиллар палатаси спикери Нэнси Пелосининг оролга ташрифи туфайли кучайган. 2 август куни Пелосининг махсус рейси Пекиннинг эътирозларига қарамай Тайванга қўнди. Самолётдан тушгач, АҚШ Конгресси Вакиллар палатаси спикери Америка делегациясининг асосий мақсади Тайваннинг «ёрқин ва динамик» демократиясини қўллаб-қувватлаш эканини айтди. 3 август куни сиёсатчи мамлакатни тарк этди.

Спикернинг ташрифига жавобан Хитой кескин норозилик билдирди ва Пелосининг сафари «Хитой—АҚШ муносабатларини бузишини» таъкидлади.

Изоҳ
Асосий янгиликлар
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда
Маҳаллий
Ўзбекистонда газ заправкалар қайта очилиши кутилмоқда
Дунё
Россия Беларусга янги ҳарбий қисмлар жойлаштирди — Украина чегара хизмати