Қозоғистон Мудофаа вазирлиги Туркияда ишлаб чиқарилган зирҳли ғилдиракли машиналарни сотиб олиш эҳтимоли юзасидан изоҳ берди, деб ёзади Anadolu Agency.
«Мудофаа вазирлиги томонидан доимий равишда қурол-яроғ ва техника бозори мониторинг қилиб борилади. Намуналарни истеъмолга киритиш тартиби расмий норматив ҳужжат бўлган қуролларни истеъмолга қабул қилиш қоидаларида қайд этилган. Туркия машиналарига келсак, улар ҳам ҳужжатда белгиланган тартибга мувофиқ ўрганиб чиқилмоқда», — дейилади идора хабарида.
Вазирлик қайд этишича, идоранинг ички кенгаш органи синовлар якунларига кўра ижобий қарор қабул қилганидан кейингина Туркия зирҳли машиналарини сотиб олиш масаласи кўриб чиқилади.
Аввалроқ Қозоғистон Россиядан узоқлашиш, Европа ва АҚШ билан муносабатларни мустаҳкамлаш йўлидан бораётгани ҳақида фикр билдирилган эди. Modern Diplomacy нашрида эълон қилинган мақолада айтилишича, Қозоғистон январь воқеалари ҳамда Россия ва Украина ўртасидаги урушдан сабоқ олган. Мамлакат ўз армиясини мустаҳкамлаб, мудофаа заводларини қурмоқда ва қурол сотиб олишда Россиянинг таъсирини камайтирмоқда.
Изоҳ (0)