Qozog‘iston Mudofaa vazirligi Turkiyada ishlab chiqarilgan zirhli g‘ildirakli mashinalarni sotib olish ehtimoli yuzasidan izoh berdi, deb yozadi Anadolu Agency.
“Mudofaa vazirligi tomonidan doimiy ravishda qurol-yarog‘ va texnika bozori monitoring qilib boriladi. Namunalarni iste’molga kiritish tartibi rasmiy normativ hujjat bo‘lgan qurollarni iste’molga qabul qilish qoidalarida qayd etilgan. Turkiya mashinalariga kelsak, ular ham hujjatda belgilangan tartibga muvofiq o‘rganib chiqilmoqda”, — deyiladi idora xabarida.
Vazirlik qayd etishicha, idoraning ichki kengash organi sinovlar yakunlariga ko‘ra ijobiy qaror qabul qilganidan keyingina Turkiya zirhli mashinalarini sotib olish masalasi ko‘rib chiqiladi.
Avvalroq Qozog‘iston Rossiyadan uzoqlashish, Yevropa va AQSH bilan munosabatlarni mustahkamlash yo‘lidan borayotgani haqida fikr bildirilgan edi. Modern Diplomacy nashrida e’lon qilingan maqolada aytilishicha, Qozog‘iston yanvar voqealari hamda Rossiya va Ukraina o‘rtasidagi urushdan saboq olgan. Mamlakat o‘z armiyasini mustahkamlab, mudofaa zavodlarini qurmoqda va qurol sotib olishda Rossiyaning ta’sirini kamaytirmoqda.
Izoh (0)