Ҳамма ҳам маиший техника воситаларидан фойдаланишни бошлашдан олдин уларни ишлатиш йўриқномасини батафсил ўрганмайди. Кўпчилик уларни ҳатто очиб қарамайди ҳам. Аммо орадан кўп ўтмай, музлаткич музлатмай, кир ювиш машинаси кийимларни ёмон ювишни бошлайди. «Новий очаг» нашри маиший техникаларнинг нима сабабларга кўра тез ишдан чиқишини маълум қилди.
Кир ювиш машинаси
- Кир ювиш машинаси ишдан чиқишининг энг кўп учрайдиган сабаби кичик болалар пайпоқлари ва шунга ўхшаш кичик кийимлардир. Бу каби кирлар барабанга тиқилиб қолмаслиги учун уларни махсус кир ювиш халталарига солиш тавсия этилади.
- Чўнтакларни текширишни унутмаслик лозим. Майда буюм, ширинлик ва сақичлар кир ювиш машинаси учун хавфли.
- Барабанни ортиқча юкламанг. Бунда кирлар ёмон ювилиши мумкин, балки ишламай қолиши ва вақт ўтиши билан барабаннинг ҳаракатланишида иштирок этадиган камар узилиши мумкин.
- Тозаловчи маҳсулотларни ортиқча ишлатманг. Улар машинанинг ички қисмини тозалаш учун зарур, аммо улар кимёвий модда ҳисобланади, улардан жуда кўп фойдаланиш машинанинг муддатидан олдин эскиришига олиб келади.
- Вақти-вақти билан кир ювиш машинасини текшириб туриши лозим. Унда нам кирлар қолиб кетмаслиги, кукун солинадиган идиш ювилиши, барабаннинг резина тасмаси артиб олиниши керак. Бу машина қисмларида моғор пайдо бўлишининг олдини олади. Акс ҳолда машинада ёқимсиз ҳид пайдо бўлади.
- Печнинг деворларидан ёғни олиб ташлаш орқали уни мунтазам равишда тоза тутиш керак. Агар унда кир тўпланишига йўл қўйилса, слюда плитаси ҳаддан ташқари қизиб кетади ёки эмал шикастланади. Натижада микротўлқинли печда учқун ва ёрилиш юзага келади. Пластинка микротўлқинли печнинг ён деворида жойлашган, унинг ёғи тозаланганда жуда қаттиқ ишқаламаслик керак.
- Микротўлқинли печни фақат унда бирор бир маҳсулот бўлганда ёқиш мумкинлигини унутмаслик лозим. Агар камера бўш бўлса, магнетрон синиши мумкин.
- Печ учун мўлжалланмаган идишларни, шунингдек, фольгани ҳам ишлатмаслик тавсия этилади.
- Печга 50 граммдан кам овқат қўймаслик керак. Агар маҳсулот енгил бўлса, ёнига бир стакан сув қўйиш мумкин.
- Узун нарсалар машина пуркагичининг айланишига тўсқинлик қилмаслигига ишонч ҳосил қилинг.
- Махсус туздан фойдаланиш тавсия этилади: у кальцийни эритиб, қаттиқ сувни юмшатади. Бу машинанинг ўзи учун муҳим, акс ҳолда, вақт ўтиши билан қисмлар ичкаридан оҳак билан қопланади ва ишламай қолади.
- Қувур тиқилиб қолмаслиги учун ҳар доим озиқ-овқат қолдиқларини тозалаш керак.
- Агар машина катта бўлса, идиш-товоқлар кўп бўлмаса ва бир нечта идиш учун тўлиқ циклни ишлатишни хоҳламасангиз, чайиш дастуридан фойдаланиш мумкин. Натижада машина ичида ҳеч қандай ёқимсиз ҳид юзага келмайди.
- Аксарият ҳолларда идишларнинг яхши ювилмаслигининг сабаби уларнинг нотўғри ишлашида эмас, балки идишларни нотўғри жойлаштириш ва мос бўлмаган дастурни танлашдадир.
Изоҳ (0)