Хоразмдаги боғчада 5 ёшли бола вафот этди

Хоразм вилоятининг Хонқа туманидаги боғчада 5 ёшли бола вафот этди.

Вилоят Мактабгача таълим бошқармаси ахборот хизматида айтилишича, тумандаги «Тома» маҳалласида жойлашган 24-сон давлат Мактабгача таълим ташкилотининг 5 ёшли тарбияланувчиси Ў.Ш.А.нинг тушликдан сўнг тоби қочгани сабаб зудлик билан тез ёрдам чақирилган. Шифокорлар унинг ўлганини қайд этган.

«Бу бўйича суд-тиббий экспертизасининг хулосасига кўра, шунингдек, ҳуқуқни муҳофаза қулувчи ташкилотлар томонидан якуний хулоса берилгач, Мактабгача таълим вазирлиги ахборот хизмати томонидан тўлиқ баёнот берилади», — дейилади хабарда.

Бу боғчада бола ўлими билан боғлиқ бир ҳафта ичида кузатилган учинчи ҳолат. 28 июль куни Қашқадарё вилояти Шаҳрисабз шаҳридаги боғчада тарбияланувчининг опаси устига шиша синиқлари тушиши оқибатида вафот этганди. 1 август куни Наманган вилояти Чуст туманидаги боғчада тилини чайнаб юборган 5 ёшли бола вафот этганди.