Хитой Халқ Республикаси Давлат кенгашининг Тайван ишлари бўйича бошқармаси матбуот котиби Ма Сяогуан Хитой ҳукумати Тайван Демократия фондига ҳамда Тайван Халқаро ҳамкорлик ва тараққиёт фондига нисбатан интизомий чоралар кўраётганини маълум қилди.
«Халқаро миқёсда ‘демократия’ ва ‘ҳамкорликни ривожлантириш’ ниқоби остидаги бу тузилмалар Тайван мустақиллигини эълон қилишга қаратилган сепаратистик фаолият билан шуғулланади», — деди Ма Сяогуан.
Унинг сўзларига кўра, ушбу фондлар «Хитойга қарши кучларни жалб қилиш, материкка ҳужум қилиш ва уни обрўсизлантириш учун қўлларидан келганини қилмоқда, шунингдек, пулларни Тайваннинг «халқаро маконини» кенгайтириш учун тузоқ сифатида ишлатмоқда.
Хитой ҳукумати қарорига кўра, ушбу фондларга Хитой материгидаги ташкилотлар, корхоналар ва жисмоний шахслар билан ҳамкорлик қилиш тақиқланган. Бундан ташқари, мазкур фондларни молиялаштирувчи ёки уларга хизмат кўрсатувчи ташкилотлар, корхоналар ва жисмоний шахсларга нисбатан санкциялар назарда тутилган.
Изоҳ (0)