Бугун,

  • USD 11095.31
  • RUB 173.84
  • EUR 10772.44

Meduza нашрининг хабар беришича, Италиянинг Чивитанова Марке шаҳрида италиялик асосий кўчалардан бирида савдо қилаётган Нигерия фуқаросини одамлар кўз ўнгида калтаклаб ўлдирди. Бу воқеа 29 июль куни тушдан кейин содир бўлган.

Фото: BBC

Фото: BBC

Дастлабки маълумотларга кўра, 32 ёшли Филиппо Ферлаззо 39 ёшли Алика Огорчукву ва унинг 45 ёшли ҳамроҳи Еленага ҳужум қилган. Ҳужум сабаби икки ҳамроҳ Филиппога бир ўрам рўмол эвазига садақа сифатида пул сўраган ва унинг қўлини ушлаб олган.

Гувоҳларнинг айтишича, Ферлаззо Огорчуквуни қувиб, етиб олган ва уни ўз қўлтиқ таёғи билан калтаклай бошлаган. Кейин эса ерга йиқитиб, уч-тўрт дақиқа уриб, бўғиб ўрнидан туришига ҳам тўсқинлик қилган.

Ҳодисанинг бир қисми тасвирга олинган видеода акс этишича, ён атрофдагилар Ферлаззо ҳаракатларига аралашмаган. Фақатгина видеода кимдир унга «Сиз уни ўлдириб қўясиз!», деб бақирганини эшитиш мумкин.

Il Post нашрига кўра, воқеа гувоҳлари бир вақтнинг ўзида полиция ва тез ёрдамни чақирган.

Ферлаззо воқеадан кўп ўтмай ҳибсга олингач, у тайинланган адвокатига руҳий касаллиги борлигини айтган. Хабарларга кўра, унда илгари ҳам зўравонлик ҳаракатлари кузатилган.

Адвокатнинг сўзларига кўра, қўлга олинган шахс марҳумнинг оиласидан кечирим сўраган.

Алика Огорчукву ўлдирилиши ортидан маҳаллий нигерияликлар шаҳарда норозилик намойиши ўтказди. Huffington Post хабарига кўра, унинг иштирокчилари, жумладан, маҳаллий аҳолини содир бўлаётган воқеаларга аралашмасликда айблаган. Кўпгина италиялик сиёсатчилар нигерияликнинг ўлимига изоҳ берар экан, гувоҳларнинг «бефарқлиги»ни ҳам тилга олди.

Мавзуга доир: АҚШ Гаити президентининг ўлдирилиши бўйича терговда муваффақият қозонилмаганидан хавотир билдирди

Изоҳ
Асосий янгиликлар
Маҳаллий
Профессионал асарлардан тортиб оддий қўл телефонида олинган суратларгача — фоторассомларнинг ҳисобот кўргазмасига фототашриф
Дунё
Ерни кучли ва узоқ давом этадиган магнит бўронлари қоплайди
Дунё
Даниялик сиёсатчи Россиянинг Даниядаги элчихонаси олдида яна Қуръонни ёқиб юборди. Рамзан Қодиров бунга муносабат билдирди