Meduza nashrining xabar berishicha, Italiyaning Chivitanova Marke shahrida italiyalik asosiy ko‘chalardan birida savdo qilayotgan Nigeriya fuqarosini odamlar ko‘z o‘ngida kaltaklab o‘ldirdi. Bu voqea 29-iyul kuni tushdan keyin sodir bo‘lgan.
Dastlabki ma’lumotlarga ko‘ra, 32 yoshli Filippo Ferlazzo 39 yoshli Alika Ogorchukvu va uning 45 yoshli hamrohi Yelenaga hujum qilgan. Hujum sababi ikki hamroh Filippoga bir o‘ram ro‘mol evaziga sadaqa sifatida pul so‘ragan va uning qo‘lini ushlab olgan.
Guvohlarning aytishicha, Ferlazzo Ogorchukvuni quvib, yetib olgan va uni o‘z qo‘ltiq tayog‘i bilan kaltaklay boshlagan. Keyin esa yerga yiqitib, uch-to‘rt daqiqa urib, bo‘g‘ib o‘rnidan turishiga ham to‘sqinlik qilgan.
Hodisaning bir qismi tasvirga olingan videoda aks etishicha, yon atrofdagilar Ferlazzo harakatlariga aralashmagan. Faqatgina videoda kimdir unga “Siz uni o‘ldirib qo‘yasiz!”, deb baqirganini eshitish mumkin.
Il Post nashriga ko‘ra, voqea guvohlari bir vaqtning o‘zida politsiya va tez yordamni chaqirgan.
Ferlazzo voqeadan ko‘p o‘tmay hibsga olingach, u tayinlangan advokatiga ruhiy kasalligi borligini aytgan. Xabarlarga ko‘ra, unda ilgari ham zo‘ravonlik harakatlari kuzatilgan.
Advokatning so‘zlariga ko‘ra, qo‘lga olingan shaxs marhumning oilasidan kechirim so‘ragan.
Alika Ogorchukvu o‘ldirilishi ortidan mahalliy nigeriyaliklar shaharda norozilik namoyishi o‘tkazdi. Huffington Post xabariga ko‘ra, uning ishtirokchilari, jumladan, mahalliy aholini sodir bo‘layotgan voqealarga aralashmaslikda ayblagan. Ko‘pgina italiyalik siyosatchilar nigeriyalikning o‘limiga izoh berar ekan, guvohlarning “befarqligi”ni ham tilga oldi.
Mavzuga doir: AQSH Gaiti prezidentining o‘ldirilishi bo‘yicha tergovda muvaffaqiyat qozonilmaganidan xavotir bildirdi
Izoh (0)