Олимлар аниқлашича, Ернинг ўз ўқи атрофида айланиши тезлиги кескин ошган ва сайёра бутун кузатувлар тарихида айланиш тезлиги бўйича рекорд ўрнатган, деб ёзади Tengrinews.
Кўп йиллар давомида Ер ўз ўқи атрофида роппа-роса 24 соат ичида бир марта тўлиқ айланади, деб ҳисобланилган. 1973 йилдан олимлар Ерга ўз ўқи атрофида бир марта тўлиқ айланиши учун зарур бўлган вақтни аниқлаш учун сайёранинг айланиш тезлигини атом соатларида ўлчашни бошлади.
Бир неча йил аввал олимлар аслида сайёра ўзининг айланиш тезлигини пасайтираётганини аниқлади. Шу туфайли мутахассислар вақт ҳисоби максимал даражада аниқ бўлиб қолиши учун бир суткага сонияларни қўшишига тўғри келди.
Шуниси эътиборга лойиқки, сўнгги икки йилдан буён атом соатлари маълумотлари Ер кутилмаганда ўз ўқи атрофидаги ҳаракатини тезлаштира бошлаганини кўрсатишга киришди. Чунончи, 2022 йил 29 июнь куни Ер айланиши бўйича рекорд қайд этилди — шу куни сайёра ўз ўқи атрофида одатдагидан 1,59 миллисонияга тезроқ айланишни амалга оширди.
Айни пайтда олимлар айланиш тезлиги нима сабабдан ўзгараётганини аниқ билмайди. Уларнинг сўзларига кўра, тезликнинг ўзгариши навигация тизимлари, шунингдек, бутун дунёдаги компьютерлар, смартфонлар ва алоқа тизимлари учун салбий оқибатларга олиб келиши мумкин.
Изоҳ (0)