2022 йилнинг январь–июнь ойларида Ўзбекистонга импорт қилинган озиқ-овқат маҳсулотлари ҳажми 1,6 млрд долларни ташкил қилди. Бу ҳақда Давлат статистика қўмитаси маълум қилди.
Озиқ-овқат импорти ўтган йилнинг мос даврига нисбатан 35,8 фоизга ёки 427 млн долларга ошди.
Ўзбекистон ярим йилда энг кўп буғдой сотиб олди — 375,4 млн долларлик. Ўтган йили бу кўрсаткич 300,4 млн долларни ташкил қилган эди.
Иккинчи ўринда 185,3 млн доллар билан шакарқамиш қайд этилган. Ушбу маҳсулотнинг деярли барчаси Бразилиядан келтирилади.
Маргарин маҳсулотлари импорти қарийб 6 баробарга ошди ва учинчи ўринга кўтарилди. Январь—июнь ойларида 155,7 млн долларлик маргарин сотиб олинган.
Бундан ташқари олма импорти 6 баробарга кўпайиб, 10,2 млн долларни ташкил қилган. Йирик шохли қорамол гўшти, мандарин ва арпа импорти ҳам икки баробарга ошган.
Энг кўп импорт қилинган 19 турдаги озиқ-овқат маҳсулотларининг ҳажми ярим йилда 2021 йилнинг мос даврига нисбатан кўпайган.
Изоҳ (0)