Тошкент вилояти Олмалиқ шаҳри деҳқон бозорининг ходими ва сотувчи ўртасида жанжал келиб чиқди. Ҳолат юзасидан вилоят ички ишлар бош бошқармаси матбуот котиби муносабат билдирди.
Унинг маълум қилишича, ижтимоий тармоқларда тарқалган, ходим ва сотувчи ўртасидаги низоли ҳолат 25 июль куни Олмалиқ шаҳри «Ойдин» деҳқон бозори ҳудудида содир бўлган. Бозор масъул ходими — 1981 йилда туғилган И.Қ. ва сотувчи аёл — 1971 йилда туғилган Ш.А. бозор патта тўлови устида ўзаро келишмай қолиб, оғзаки тортишув жанжалга айланган.
Жараёнда улар бир-бирини уятли сўзлар билан сўкиб, жамиятда юриш-туриш қоидаларини қасддан менсимаган.
Мазкур ҳолат юзасидан шу куннинг ўзида ҳудудий профилактика инспектори томонидан тегишли ҳужжатлар расмийлаштирилиб, судга юборилган. Суд 28 июль куни ўтиши режалаштирилган.
Изоҳ (0)