Флойд Мейвезер ва Конор Макгрегор реванш борасида деярли келишувга эришди

Афсонавий боксчи Флойд Мейвезер ва UFC собиқ чемпиони Конор Макгрегор бокс қоидалари бўйича реванш жанги ўтказишга яқин, дея хабар беради The Sun.

«Агарда Флойд ўз профессионал рекордини ўртага қўйса, Конор жангга рози бўлади. Бу кўргазмали эмас, расмий жанг бўлади. У 70,3 кг вазнда бўлиб ўтади. Ҳозирча шулар маълум.

Флойд сўнгги марта рингга чиқади, шу сабаб буни ўтказиб юбормаслик лозим. Битим якунланиш арафасида. Иккала томон ҳам шахсий шартларини келишиб олди. Бу якуний шоу бўлади ва ундан Флойднинг рекорди ўртага қўйилади.

Мейвезер бунда ўз даврининг охири ва Жервонта Дэвис даврининг бошланишини кўрмоқда. Унинг фикрича, бу биз кўрган бокс оқшомлари ичида энг каттаси бўлади.

Айни дамда раундлар сони бўйича баҳслар давом этмоқда — Конор жамоаси 10 та раунд хоҳлайди. Бироқ битим якунланишига оз қолди», — дейилади манбада.

2017 йилда Мейвезер Макгрегорни 10-раундда техник нокаут эвазига мағлуб этганди.