Фарғона вилояти Фурқат туманида фуқаро уйининг ертўласида марихуана сақлаб келаётгани аниқланди. Бу ҳақда вилоят ички ишлар бошқармаси ахборот хизмати хабар берди.
Хабар қилинишича, 19 июль куни туман ИИБ ЖҚБ ходимлари томонидан тезкор тадбир ўтказилган. Унда «Болтакўл» маҳалласи ҳудудида яшовчи Й.О.нинг хонадони холислар иштирокида кўздан кечирилган. Шунда хонадон ертўласида марихуана гиёҳвандлик моддасини сақлаб келаётгани аниқланиб, далилий ашё тариқасида олинган.
Ҳолат юзасидан туман ИИБ ҳузуридаги тергов бўлинмаси томонидан Жиноят кодексининг 276-моддаси (гиёвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Маълумот учун, ушбу жиноятни содир этган шахс 3 йилгача озодликдан маҳрум қилиш билан жазоланиши мумкин.
Изоҳ (0)