Бош прокуратура томонидан Маданий мерос агентлиги мутахассислари иштирокида Самарқанд вилояти ўлкашунослик музейи бино-иншоотларида (собиқ Калонтаров уйи) ўрганиш ишлари олиб борилди. Унда музей тарихий биносида техник ўзгаришлар ҳосил бўлиб, пештоқи ёрилгани аниқланди.
- музей ҳовлисида 210 метр оқова сув ариқлари тозаланиб, шундан 60 метр қисми қайта таъмирланди;
- оқова сув ариқларига ўлчами 150 сантиметр бўлган 15 метрли янги сув қувурлари ва 45 метрли сув лотоклари ўрнатилиб, марказий оқова сув тармоғига уланди;
- ариқларнинг йўлаклар билан туташган жойлари 10 метр бетон плиталар билан қопланди.
Шунингдек, музей биноси пештоқининг 4 квадрат метр қисмидаги ёрилган ғиштлар ораси махсус қоришма билан тўлдирилиб, бинонинг асл ҳолатига зарар етказмаган ҳолда таъмирланди. Тарихий бинонинг асл ҳолатини сақлаш мақсадида пештоқдаги равоқнинг кўчиб тушган қисми ганчкор усталар томонидан асл ҳолатда тикланиб, реставрация қилинди. Бундан ташқари, музейнинг ҳовлиси ободонлаштирилиб, 76 туп дарахт оқланди, қуриган шохлари кесилиб, шакл берилди ҳамда ёрдамчи бинолар фасад қисми таъмирланди.
Маълумот учун, музей италиялик архитектор Й.Нелли лойиҳаси асосида ХХ аср меъморчилигининг эклектик услубида 1902—1916 йиллар давомида савдогар Абраам Исакович Калонтаровнинг шахсий маблағлари ҳисобидан қурилган.
Изоҳ (0)