Farg‘ona viloyati Furqat tumanida fuqaro uyining yerto‘lasida marixuana saqlab kelayotgani aniqlandi. Bu haqda viloyat ichki ishlar boshqarmasi axborot xizmati xabar berdi.
Xabar qilinishicha, 19-iyul kuni tuman IIB JQB xodimlari tomonidan tezkor tadbir o‘tkazilgan. Unda “Boltako‘l” mahallasi hududida yashovchi Y.O.ning xonadoni xolislar ishtirokida ko‘zdan kechirilgan. Shunda xonadon yerto‘lasida marixuana giyohvandlik moddasini saqlab kelayotgani aniqlanib, daliliy ashyo tariqasida olingan.
Holat yuzasidan tuman IIB huzuridagi tergov bo‘linmasi tomonidan Jinoyat kodeksining 276-moddasi (giyovandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) 1-qismi bilan jinoyat ishi qo‘zg‘atilib, hozirda tergov harakatlari olib borilmoqda.
Ma’lumot uchun, ushbu jinoyatni sodir etgan shaxs 3 yilgacha ozodlikdan mahrum qilish bilan jazolanishi mumkin.
Izoh (0)